Manvi Raj Singh : रांची ते मुंबई आणि लव्ह जिहाद, मानवीसोबत तनवीरने काय केलं?

Manvi Raj Singh Tanveer Khan Love Jihad News : देशात लव्ह जिहादचा मुद्दा तापलेला असताना मॉडेलने केलेल्या आरोपाने खळबळ उडाली आहे. हा आरोप झारखंडची राजधानी रांची येथील यश मॉडेलिंग कंपनीच्या मालकावर करण्यात आला आहे. हा आरोप मॉडेलिंगचे प्रशिक्षण घेण्यासाठी आलेल्या तरुणीने केला आहे. मूळची बिहारची रहिवासी असलेली मानवी राज सिंह चांगली मॉडेल होण्याचं स्वप्न उरी घेऊन झारखंडमधील रांची येथे आली होती. पण, तिच्यासोबत वेगळंच घडल्याचा आरोप तिने केला आहे.

मानवी राज सिंहने रांचीमधील एका ग्रूमिंग इन्स्टिट्यूटमध्ये प्रवेश घेतला. या संस्थेच्या मालकाने मानवीला पाहिले तेव्हा त्याला ती खूप आवडली. दोघांमध्ये चांगली मैत्री झाली. पण संस्थेच्या मालकाच्या मनात काहीतरी वेगळंच चालू होतं. दोघांमधील नाते अधिक वाढावे याबद्दल त्याच्या मनात होते.

Video >> नवनीत राणांना कोर्टाने झापलं, कोर्टात हजर झाल्यावर काय घडलं?

मानवी राज सिंहने केलेल्या आरोपांप्रमाणे त्याला मानवीशी लग्न करायचे होते. त्यासाठी त्याने मानवीला प्रपोज केले. तेव्हाच मानवीला कळले की, ती ज्याला मित्र मानत आहे ती व्यक्ती तिच्याशी खोटे बोलली आहे. वास्तविक, संस्थेच्या मालकाने तिला त्याचे नाव यश असे सांगितले होते. पण, त्याचं खरं नाव तनवीर अख्तर खान आहे. हा सर्व प्रकार मानवीला कळल्यावर तिनेही त्याच्याशी असलेली मैत्री तोडली.

ब्लॅकमेलिंग, धर्मांतर करण्यासाठी मॉडेल मानवी सिंहवर दबाव?

मानवी राजच्या दाव्याप्रमाणे, बोलणं केल्याची गोष्ट तनवीरला आवडली नाही. तो तिच्यावर लग्नासाठी आणि धर्म बदलण्यासाठी दबाव टाकू लागला. पण, मानवीने त्याचा तिरस्कार करायला लागली होती. त्यामुळेच तिने तनवीरचा प्रस्ताव नाकारला. त्यानंतर प्रकरण आरोप-प्रत्यारोपापर्यंत पोहोचले. तनवीर मानवीला ब्लॅकमेल करू लागला. वास्तविक, त्याच्याकडे मानवीचे काही वैयक्तिक फोटो होते. ते व्हायरल करण्याची धमकी देऊन त्याने लग्नासाठी दबाव टाकण्यास सुरुवात केली.

मुंबईत आली तरीही…

याला कंटाळून मानवीने रांची शहर सोडले. ती मुंबईला शिफ्ट झाली. पण एकतर्फी प्रेमात वेडा झालेल्या तनवीरने इथेही तिचा पाठलाग सोडला नाही. तो तिला धमक्या देत राहिला. त्यानंतर मनवी नाराज झाली आणि तिने वर्सोवा पोलीस ठाण्यात तनवीरविरोधात गुन्हा दाखल केला.

हेही वाचा >> आधी मैत्री नंतर लग्नाचे आमीष दाखवून…,घटनाक्रमाने पोलीसही हादरले

पीडितेने पोलिसांना सांगितले की, तिची रांचीमधील ग्रूमिंग इन्स्टिट्यूटचे मालक तनवीर खान याच्याशी मैत्री होती. पहिल्या भेटीत तनवीरने आपले नाव यश असे सांगितले. पण, नंतर त्याला कळले की त्याचे खरे नाव यश नसून तनवीर आहे. वास्तविक, तरुण मॉडेल्सना ग्रूमिंग इन्स्टिट्यूटमध्ये मॉडेलिंगचे बारकावे शिकवले जातात. कसे पहावे, कसे बोलावे. यासोबतच काही संस्था मॉडेलिंग असाइनमेंटही देतात.

पीडितेने पोलिसांना सांगितले की, मैत्रीदरम्यान तनवीरने तिला होळीच्या दिवशी गोळ्या खाऊ घातल्यानंतर तिचे काही फोटो काढले. यानंतर तनवीरने तिला ब्लॅकमेल करण्यास सुरुवात केली आणि भांडणही सुरू झाला. आरोपी तनवीरने तिच्यावर धर्म बदलून लग्न करण्यासाठी दबाव टाकण्यास सुरुवात केली. वैतागून ती मुंबईत आली. मात्र त्यानंतरही तो तिला ब्लॅकमेल करत होता.

तनवीरने आपली चूक मान्य केली

जेव्हा हे प्रकरण पोलिसांपर्यंत पोहोचले तेव्हा तनवीरने आपली चूक मान्य केली आणि पीडितेला एफआयआर मागे घेण्यास सांगितले. तनवीर खानने कोर्टात दिलेल्या प्रतिज्ञापत्रात कबूल केले की तो तिला त्रास देत असे. मात्र, त्याचा कोणत्याही प्रकारे इजा करण्याचा त्याचा हेतू नव्हता.

हेही वाचा >> Crime: दोन व्हिडिओ कॉल अन् त्यानंतर… साक्षीच्या हत्येबाबत आरोपी साहिलकडून मोठा खुलासा

दोघांना एकत्र राहता यावे, यासाठी दबाव निर्माण करण्यासाठी तो असे करायचा. याशिवाय भविष्यात असे काही करणार नाही, अशी कबुलीही त्यांनी याच प्रतिज्ञापत्रात दिली आहे. पण, त्यानंतरही तो असे प्रकार करत आहे.

रांची बदली प्रकरण

पीडितेने तिच्या ट्विटर हँडलवर व्हिडिओ अपलोड करून झारखंडचे मुख्यमंत्री हेमंत सोरेन यांना संरक्षण देण्याची विनंती केली आहे. पोलीस या प्रकरणाचा गांभीर्याने तपास करत आहेत. तपासाच्या आधारेच पुढील कारवाई केली जाईल, असे पोलिसांचे म्हणणे आहे. हे प्रकरण मुंबईहून रांची येथे वर्ग करण्यात आले आहे. मात्र, पोलिसांनी अद्याप कोणतीही ठोस कारवाई केलेली नाही.