Sushan Singh Rajput ची गर्लफ्रेंड रिया चक्रवर्तीचं गँग लीडर बनून कमबॅक, म्हणाली…

मुंबई : बॉलिवूड अभिनेता सुशांत सिंग राजपूतच्या (Sushant Singh Rajput case) मृत्यूला आता 3 वर्ष पूर्ण होतं आहेत. मात्र सुशांतच्या आत्महत्या प्रकरणात अनेक प्रश्नांची उत्तर अद्याप तपास यंत्रणेला मिळालेली नाहीत. सुशांतच्या कुटुंबियांनी गर्लफ्रेंड रिया चक्रवर्तीला (Riya Chakraborty) जबाबदार धरले होते. रियाविरुद्ध मीडिया ट्रायल झाली, ड्रग्ज प्रकरणात ती तुरुंगातही गेली. मात्र आता 3 वर्षांनंतर रिया चक्रवर्तीची कारकीर्द रुळावर येताना दिसत आहे. (Riya Chakraborty’s comeback after 3 years of Sushant Rajput case, became gang leader in MTV Roadies 19)

रिया चक्रवर्तीचे पुनरागमन :

अनेकांनी दावा केला होता की रियाचे करिअर आता संपले आहे. पण सर्व दावे धुळीत मिळवत रिया चर्कवर्ती दमदार पुनरागमनासाठी सज्ज झाली आहे. रिया प्रसिद्ध रिअॅलिटी शो MTV Roadies 19 (MTVRoadies19) मध्ये दिसून येणार आहे. प्रिन्स नरुला आणि गौतम गुलाटी यांच्यानंतर तिसऱ्या गँग लिडरचे नाव समोर आले आहे. मेकर्सनी रिया चक्रवर्तीचा प्रोमोही रिलीज केला आहे. यात तिची धमाकेदार एन्ट्री दाखवण्यात आली आहे.

दिग्दर्शक विवेक अग्निहोत्रीने कोर्टात का माफी मागितली? काय आहे प्रकरण?

करिअर संपल म्हणणाऱ्यांना प्रतिउत्तर देत रिया म्हणाली, “आपको क्या लगा मैं वापस नहीं आऊंगी. डर जाऊंगी. डरने की बारी किसी और की है. मिलते हैं ऑडिशंस पर”. रोडीज या रिअॅलिटी शोमध्ये रियाला पाहून तिच्या चाहत्यांच्या आनंदाला पारावार उरला नाही. हा शो ऑन एअर होण्याची चाहते आतुरतेने वाट पाहत आहेत.

दुसऱ्या बाजूला रिया गँग लीडर म्हणून अनेकांना भावलेली नाही. रियाच्या कास्टिंगसाठी सोशल मिडीयावर युजर्सनी शोच्या निर्मात्यांना ट्रोल करण्यास सुरुवात केली आहे. रोडीज शो कॉन्ट्रोव्हर्शल बनविण्यासाठी आणि चर्चेत आणण्यासाठी रियाला गँग लीडर बनवण्यात आल्याचं यूजर्सचं म्हणणं आहे. रोडीजचा हा सीझन सुपर फ्लॉप ठरेल, असे मत अनेकांनी नोंदवलं आहे. रोडीजमधील रियाची एन्ट्री तिला आणि शोला कितपत फायदा मिळवून देणार हे आता शो ऑन एअर झाल्यानंतरच कळेल. पण सध्या तरी आपण एवढेच सांगू शकतो की, रियाच्या आगमनाने शोबद्दल बरीच चर्चा झाली आहे.

रावरंभा चित्रपटात कुशल बद्रिके पहिल्यांदाच दिसणार खलनायकाच्या भूमिकेत!

सुशांत आत्महत्या प्रकरणात अडकली होती रिया :

सुशांत सिंग राजपूत आणि रिया चक्रवर्ती रिलेशनशिपमध्ये होते. सुशांतच्या मृत्यूनंतर त्याच्या कुटुंबीयांनी रियावर गंभीर आरोप केले होते. रियामुळेच आपल्या मुलाने जीव दिल्याचे अभिनेत्याच्या वडिलांनी म्हटले होते. इतकेच नाही तर, सुशांतचे पैसे हडप केल्याचे, त्याला ड्रग्जच्या आहारी ढकलल्याचे आणि त्याला नैराश्येकडे नेल्याचे आरोप रियावर करण्यात आले होते. या आरोपांनंतर रिया आणि तिच्या भावाला तुरुंगातही जावे लागले होते. सुशांतचे प्रकरण बिहार पोलिस, मुंबई पोलिस, ईडी, सीबीआय, एनसीबीपर्यंत गेले. परंतु मृत्यूला 3 वर्षे उलटली तरी अनेक प्रश्नांची उत्तरे मिळालेली नाहीत.