पेन्शन सिनेमाचा ट्रेलर रिलीज; सोनाली कुलकर्णी दिसणार मुख्य भूमिकेत

पेन्शन या सिनेमात सोनाली कुलकर्णी सोबत सुमीत गुट्टे तसंच निलांबरी खामकर देखील महत्त्वाच्या भूमिकेत आहेत. एका गरीब कुटुंबाला जगण्यासाठी पेन्शनचं असणारं महत्त्व या सिनेमातून दाखवण्यात आलंय. भावूक आणि संवेदनशील अशी सिनेमाची कथा असणार आहे. या सिनेमात ‘इंद्र’ नावाच्या मुलाचं बालपण ते तो मोठा होईपर्यंतचा प्रवास पाहायला मिळेल. घरातील आजीच्या पेन्शनवर अवलंबून असलेलं कुटुंब पेन्शन चालू राहावी म्हणून काय काय करतं, हे यातून दिसून येतंय.

‘इरॉस नाऊ’ ने पेन्शन या सिनेमाची निर्मिती केलीये. तर पुंडलिक धुमाळ यांनी सिनेमाचं लेखन आणि दिग्दर्शन केलं. येत्या 24 फेब्रुवारी रोजी हा सिनेमा रिलीज होणार आहे.