मुंबईत 13 वर्षीय मुलाची आत्महत्या, ऑनलाईन गेममुळे मुलाने जीव दिल्याचा वडिलांचा दावा

तीर्थेशचे वडील चेतन खानोलकर हे 13 फेब्रुवारीला त्यांच्या तीन वर्षांच्या लहान मुलीला घेऊन त्यांच्या पत्नीसह फिरायला गेले होते. घरी असलेल्या मुलाला अभ्यास करता यावा यासाठी ते बाहेर गेले होते. चेतन हे त्यांच्या बाईकवरून जात असताना संध्याकाळी 7 वाजून 22 मिनिटांनी त्यांचा मोबाईल वाजला. मात्र बाईक चालवत असल्याने त्यांनी तो कॉल घेतला नाही. त्यानंतर जेव्हा ते घरी आले तेव्हा त्यांना तीर्थेशने स्वतःला गळफास लावून घेत आत्महत्या केल्याचे दिसले आणि त्यांच्या पायाखालची जमीन सरकली.

धक्कादायक! बुलढाण्यात अविवाहित तरूणाने स्वतःचं सरण पेटवून केली आत्महत्या

तीर्थेश खानोलकर हा चेतन खानोलकर यांचा मोठा मुलगा. तो अभ्यासात खूप हुशार होता, शाळेत त्याचा पहिला नंबर येत असे. क्रिकेटचीही त्याला खूप आवड होता. 14 फेब्रुवारीला त्याचे अंडर 14 संघातील सिलेक्शनही होते. मात्र त्याआधीच त्याने आयुष्य संपवलं. तीर्थेशच्या वडिलांनी सांगितल्यानुसार तीर्थेश हा गेल्या काही महिन्यांपासून फ्री फायर हा एक ऑनलाईन गेम खेळत होता. या गेममधल्या टास्कमुळेच त्याने आत्महत्या केली असावी असा संशय चेतन खानोलकर आणि पोलिसांनीही व्यक्त केला आहे. कारण गळफास लावलेल्या तीर्थेशच्या तोंडालाही अर्धवट रुमाल बांधलेला होता. अर्धवट रूमाल बांधलेलं एक कॅरेक्टर या गेममध्येही आहे त्यामुळे हा कयास लावला जातो आहे. त्याच्या तोंडात कापडाचा बोळाही होता.

‘पप्पा तुमच्यामुळे कोणीही…’ 11व्या मजल्यावरून उडी मारुन फॅशन डिझायनरची आत्महत्या

तीर्थेशने जेव्हा आत्महत्या केली तेव्हा फ्री फायर नावाचा गेम त्याच्याच वर्गातले आणखी सहा विद्यार्थीही खेळत होते. या सर्वांची चौकशी आता पोलिसांनी सुरू केली आहे. तीर्थेशचा मोबाईलही पोलिसांनी फॉरेन्सिक लॅबकडे पाठवला आहे. फॉरेन्सिक अहवालातून तीर्थेशने नेमकी आत्महत्या का केली हे उघड होऊ शकतं असं पोलिसांना वाटतं आहे.

फ्री फायर या गेममळे याआधीही काही विद्यार्थ्यांनी आत्महत्या केल्याची माहिती समोर आली होती. जगातील अनेक देशांनी हा गेम बॅन केला आहे. केंद्र सरकारनेही 14 फेब्रुवारीला हा गेम बॅन केला आहे. मात्र त्याच्या एक दिवस आधी तीर्थेश खानोलकर याने आत्महत्या केली. हिंदुस्थान टाइम्सने यासंदर्भातले वृत्त दिले आहे.