आपल्या वडिलांनाच शिव्या देत म्हणाली "मरून जा..." प्रसिद्ध यूट्यूबरचा 'तो' व्हिडीओ व्हायरल!

आईला सुद्धा केली होती मारहाण...

6 नोव्हेंबर रोजी वंशिकाचा असाच एक व्हिडीओ समोर आला होता. यामध्ये ती आपल्या आईला मारहाण करत असल्याचं दिसून आलं होतं. त्या व्हिडीओत वंशिका सतत "हे घर माझं आहे, प्लॉट माझं आहे" असं ओरडत म्हणत होती. इतकेच नव्हे तर, वंशिका आपल्या आईचा गळा दाबण्याचा प्रयत्न करत असल्याचं पाहायला मिळालं होतं. आईने केलेल्या आरोपानुसार, वंशिकाने तिच्याकडे पैसे मागितले होते आणि यासाठी आईने नकार दिला असता आरोपी वंशिकाने तिच्यावर हल्ला केला.

वंशिकाच्या आईचे आरोप   

वंशिकाची आई बंटी देवीने पोलिसांकडे केलेल्या तक्रारीत म्हटलं की, वंशिका गेल्या दोन वर्षांपासून तिच्या मॅनेजर बॉयफ्रेंडसोबत लिव्ह-इन रिलेशनशिपमध्ये राहत होती. तिने तिच्या कमाईतून तिच्या प्रियकराच्या नावावर कार आणि स्कूटर खरेदी केली होती.आता वंशिका आणि तिचा बॉयफ्रेंड तिच्या कुटुंबियांचं घर आणि प्लॉट बळकावण्याचा प्रयत्न करत असल्याचा आईचा आरोप आहे. 

हे ही वाचा: विधवा झालेल्या वहिनीला दीराने घातली लग्नाची मागणी! पण, महिलेने नकार देताच घडली भयानक घटना...

यश मिळाल्यानंतर वागण्यात बदल...

वंशिका तिच्या यूट्यूब चॅनेलवर डान्स, फॅशन आणि व्लॉगिंग करून पैसे कमवते. तिच्या यूट्यूब चॅनेलवर 1.90 लाख सब्सक्राइबर्स आणि इंस्टाग्राम अकाउंटवर 7.42 लाख फॉलोअर्स आहेत. वंशिकाच्या कुटुंबियांनी दिलेल्या माहितीनुसार, वंशिकाला यश मिळाल्यानंतर तिच्या वागण्यात पूर्णपणे बदल झाला. मात्र, वंशिकाची बाजू समजून घेण्याचा प्रयत्न केला असता तिच्याकडून काहीच प्रतिसाद मिळाला नाही. वंशिकाच्या मॅनेजर अभिषेकच्या आईने सुद्धा यासंदर्भात बोलण्यास नकार दिला आणि फक्त ती म्हणाली की ते दोघेही त्यांच्या दिल्लीतील फ्लॅटमध्ये राहतात.

हे ही वाचा: ट्रेनमध्ये 'त्या' कारणावरून पती आणि पत्नीमध्ये मोठं भांडण! थेट चाकूने हल्ला करून निर्घृण हत्या...

पोलिसांच्या माहितीनुसार, वंशिकाच्या आईने मुलीवर दृष्कृत्य आणि मारहाणीचा आरोप केला आहे. तसेच, संबंधित प्रकरण हे कौटुंबिक संपत्ती वादाचं आहे. आता या प्रकरणाचा तपास सुरू असून तपासानंतरच, आरोपीवर कायदेशीर कारवाई केली जाईल.