महाराष्ट्रात आज ९ हजार ८०० हून जास्त रुग्ण Corona पॉझिटिव्ह

राज्यात आज ४२ कोरोना बाधित रूग्णांच्या मृत्यूंची नोंद झाली आहे. राज्यातील मृत्यू दर हा आज घडीला २.४० टक्के इतका आहे. आजपर्यंत तपासण्यात आलेल्या १ कोटी ६५ लाख ९ हजार ५०६ प्रयोगशाळा नमुन्यांपैकी २१ लाख ७९ हजार १८५ नमुने पॉझिटिव्ह आले आहेत. सध्या राज्यात ३ लाख ६० हजार ५०० व्यक्ती होम क्वारंटाईन आहेत. तर ३ हजार ७०१ व्यक्ती संस्थात्मक क्वारंटाईन आहेत.

महाराष्ट्रात आज घडीला ८२ हजार ३४३ अॅक्टिव्ह रूग्ण आहेत. आज नोंद झालेल्या ४२ मृत्यूंपैकी ३२ मृत्यू हे मागील ४८ तासांमधले आहेत. तर ७ मृत्यू मागील आठवड्यातले आहेत. उर्वरित ३ मृत्यू एक आठवड्यापेक्षा अधिक कालावधीपूर्वीचे आहेत. हे ३ मृत्यू नागपूर २ आणि उस्मानाबाद १ असे आहेत. अशीही माहिती आरोग्य विभागाने दिली आहे.

महाराष्ट्रातील प्रमुख शहरं आणि अॅक्टिव्ह रूग्णांची संख्या

मुंबई – ८ हजार ५९४

ठाणे – ८ हजार ८१०

पुणे – १६ हजार ४९१

नाशिक- २ हजार ६८१

औरंगाबाद – २ हजार ९५१

नागपूर – १० हजार १३२

अमरावती – ५ हजार ८९६

अकोला – ३ हजार ९१५

वाशिम – १ हजार ४९५

महाराष्ट्रातल्या प्रमुख शहरांचा विचार केला तर पुणे आणि नागपूर या दोन्ही शहरांमध्ये अॅक्टिव्ह रूग्णांची संख्या वाढली आहे.