बुलडाणा : जेवण न मिळाल्यामुळे रुग्ण कोविड सेंटरबाहेर

विदर्भात कोरोनाच्या रुग्णसंख्येत होणारी वाढ लक्षात घेता…जिल्हा प्रशासनाने पुन्हा एकदा कडक निर्बंध लादण्यास सुरुवात केली आहे. परंतू बुलडाणा जिल्ह्यातील शेगाव येथील विसावा भवन कोविड सेंटरमधील कोरोना पॉजिटीव्ह रुग्ण जेवण मिळत नसल्यामुळे रस्त्यावर आले होते. कोविड सेंटरमध्ये रुग्णांना कंत्राटदाराकडून योग्य वेळेत जेवण पुरवलं जात नसल्यामुळे नाराज झालेल्या रुग्णांनी रस्त्यावर येऊन निदर्शन केली. इतक्या मोठ्या प्रमाणात कोरोना पॉजिटीव्ह रुग्ण कोविड सेंटरबाहेर आल्यामुळे यंत्रणेमध्ये खळबळ उडाली होती.