Monsoon चं पुनरागमन, कोकणासह पश्चिम महाराष्ट्रात पावसाचा जोर वाढणार – IMD

अरबी समुद्रावरुन वाहणाऱ्या वाऱ्यांमुळे महाराष्ट्राच्या पश्चिम किनारपट्टीवर आणि पश्चिम महाराष्ट्रातील घाटमाथा परिसरात पावसासाठी पोषक वातावरण तयार झालं आहे. याचसोबत बंगालच्या उपसागरातही कमी दाबाचा पट्टा तयार झाल्यामुळे राज्यातील आज सर्वत्र मध्यम ते मुसळधार पाऊस पडण्याचा अंदाज आहे.

सिंधुदुर्ग, रत्नागिरी या जिल्ह्यांना हवामान विभागाने रेड अलर्ट जाहीर केला आहे. याव्यतिरीक्त रायगड, ठाणे, पालघर, मुंबई, कोल्हापूर, यवतमाळ, जालना या जिल्ह्यांसाठीही हवामान खात्यानं ऑरेंज अलर्ट दिला आहे.