होम
राजकीय आखाडा
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो बाल्कनी
हवामानाचा अंदाज
टॉपिक
Prithviraj Chavan on Epstein files : "अमेरिकेतील ट्रम्प यांच्या सरकारकडून Epstein file मधील माहिती लपवण्याचा प्रयत्न होत आहे. जी माहिती समोर आली आहे, त्यातील काही ई-मेलमध्ये भारतीयांचे उल्लेख आहेत. मी आपल्याला सांगितलं होतं की, आजी-माजी खासदार आहेत. पेट्रोलियम मंत्री हरदीप पुरी यांचं नाव एका मेलमध्ये आहे. आणखी एका ई मेलमध्ये अमेरिकेतील मोठा अधिकारी आणि ट्रम्प यांचा सल्लागार असलेल्या स्टीव्ह बॅनन याचं नाव आहे. या स्टीव्ह बॅननने एपस्टिनला विनंती केली होती की मला भारताचे पंतप्रधान नरेंद्र मोदी यांना भेटायचं आहे. त्यावर मी मोदींची भेट घडवून आणण्यासाठी प्रयत्न करतो, असा रिप्लाय एपस्टिनने केला", असं राज्याचे माजी मुख्यमंत्री पृथ्वीराज चव्हाण म्हणाले. ते पत्रकार परिषदेत बोलत होते.
ADVERTISEMENT
हेही वाचा : उद्धव ठाकरेंचं राजकीय भविष्य आता मुंबईकरांच्या हातात, BMC निवडणुकीत पराभव झाला तर…
पुढे बोलताना पृथ्वीराज चव्हाण म्हणाले की, आणखी एका ई मेलमध्ये उल्लेख आहे की, मोदी ऑन बोर्ड, म्हणजे मोदी भेटायला तयार आहेत. मग प्रश्न असा उपस्थित होतो की, एपस्टिन आणि मोदींचे काय संबंध होते की तो मोदींची कोणासोबतही भेट घडवून आणू शकत होता. या प्रश्नाचं उत्तर सरकारकडून घ्यावं लागेल. आताची परिस्थिती एवढीच आहे की, Epstein file पार्शियली ओपन करण्यात आली आहे. आणखी काही भाग ओपन व्हायला वेळ लागणार आहे. राष्ट्राध्यक्षांचं नाव असल्यामुळे ते फाईल ओपन होऊ नये, यासाठी प्रयत्न करत आहेत.
पृथ्वीराज चव्हाण यांनी स्पष्ट केले की, या प्रकरणाची मुळे 1995-96 या काळात रोवली गेली असून, त्याची माहिती अमेरिकेत टप्प्याटप्प्याने 2005 आणि 2010 साली समोर येऊ लागली. या संपूर्ण प्रकरणामागे जेफ्री एपस्टीन नावाचा अत्यंत श्रीमंत उद्योगपती मुख्य सूत्रधार होता. एपस्टीनने अल्पवयीन मुलींना विविध आमिषे दाखवून त्यांचे लैंगिक शोषण केले आणि प्रभावशाली, उच्च पदस्थ व्यक्तींना त्यांचा देहपुरवठा केला. या अमानुष प्रकारांमुळे अनेक पीडित मुलींनी त्याच्याविरोधात गुन्हे दाखल केले होते.
ऑगस्ट 2019 मध्ये न्यूयॉर्कमधील उच्च सुरक्षा असलेल्या तुरुंगात एपस्टीनचा मृत्यू झाला. त्याने आत्महत्या केली की प्रभावशाली लोकांच्या दबावाखाली त्याचा खून करण्यात आला, याबाबत आजतागायत अमेरिकेत ठोस निष्कर्ष समोर आलेला नाही. हे प्रकरण इतक्या तीव्रतेने पुढे आले की, तत्कालीन राष्ट्रपती डोनाल्ड ट्रम्प यांना वाचवण्यासाठीसुद्धा दोन्ही प्रमुख पक्षांच्या खासदारांना ते झाकून ठेवणे अशक्य झाले. मतदारांनी स्पष्ट इशारा दिला होता की, हे प्रकरण दडपण्याचा प्रयत्न केल्यास आगामी निवडणुकांत त्यांना पाठिंबा दिला जाणार नाही. या दबावामुळे अखेर दोन्ही पक्षांच्या खासदारांना एपस्टीनशी संबंधित सर्व कागदपत्रे, छायाचित्रे आणि व्हिडिओ गुप्तपणे सार्वजनिक करावे लागले. ही सर्व माहिती एकत्रितपणे ‘एपस्टीन फाईल्स’ म्हणून ओळखली जाऊ लागली.
इतर महत्त्वाच्या बातम्या
वडील शरद पवारांच्या राष्ट्रवादीचे आमदार, पण मुलगा थोड्याच वेळात भाजपात प्रवेश करणार, मोठ्या घडामोडी
ADVERTISEMENT
