वडील शरद पवारांच्या राष्ट्रवादीचे आमदार, पण मुलगा थोड्याच वेळात भाजपात प्रवेश करणार, मोठ्या घडामोडी
Pune Politics : विशेष म्हणजे वर्षभरापूर्वीच बापूसाहेब पठारे यांनी अजित पवारांच्या राष्ट्रवादीचे नेते सुनील टिंगरे यांचा पराभव केला होता. मात्र, वर्षभरातच त्यांच्या मुलाने वेगळा मार्ग निवडलाय.
ADVERTISEMENT
बातम्या हायलाइट
वडील शरद पवारांच्या राष्ट्रवादीचे आमदार, पण मुलगा थोड्याच वेळात भाजपात प्रवेश करणार
पुण्यात शरद पवारांच्या राष्ट्रवादीला मोठा धक्का
Pune Politics : महापालिका निवडणुकीच्या तोंडावर पुण्यातील स्थानिक नेत्यांच्या भाजप प्रवेशासाठी रांगा लागल्या आहेत. राष्ट्रवादीत कार्यरत असलेले अनेक नेते भाजपमध्ये प्रवेश करत आहेत, तर काही नेते प्रवेशाच्या तयारीत आहेत. अशातच शरद पवारांच्या राष्ट्रवादीला देखील तगडा धक्का बसलाय. कारण पक्षाने आमदार केलेल्या नेत्याचा मुलगा आता भाजपमध्ये प्रवेश करणार आहे.
वडगाव शेरीचे आमदार बापूसाहेब पठारे यांचे चिरंजीव सुरेंद्र पठारे भाजपमध्ये प्रवेश करण्यासाठी पक्षकार्यालयात दाखल झाले आहेत. भाजपचे प्रदेशाध्यक्ष रवींद्र चव्हाण यांच्या उपस्थितीत त्यांचा पक्षप्रवेश पार पडणार आहे. विशेष म्हणजे वर्षभरापूर्वीच बापूसाहेब पठारे यांनी अजित पवारांच्या राष्ट्रवादीचे नेते सुनील टिंगरे यांचा पराभव केला होता. मात्र, वर्षभरातच त्यांच्या मुलाने वेगळा मार्ग निवडलाय.
विधानसभा निवडणुकीच्या काळात तत्कालीन भाजपचे नेते बापू पठारे यांनी वडगाव शेरीतून उमेदवारीची मागणी केली होती. मात्र महायुतीतील जागावाटपात ही जागा राष्ट्रवादी काँग्रेसकडे गेल्याने त्यांनी शरदचंद्र पवार यांच्या राष्ट्रवादी काँग्रेसमध्ये प्रवेश करून निवडणूक लढवली आणि विजय मिळवला होता. त्या वेळी पठारे पिता-पुत्रांनी तत्कालीन उपमुख्यमंत्री देवेंद्र फडणवीस यांची पूर्वपरवानगी घेऊन भाजपचा राजीनामा दिल्याची चर्चा होती.
हे वाचलं का?
