अमेरिका अन् आपल्या वेळेत अंतर, उद्यापर्यंत एपस्टीन फाईलमधील भारतीयांचे नावे येतील, पृथ्वीराज चव्हाणांचे सनसनाटी दावे
Prithviraj Chavan making sensational claims about Epstein files : पुढे बोलताना पृथ्वीराज चव्हाण यांनी सांगितलं की, आता हळूहळू सर्व गोष्टी समोर येत आहेत आणि त्यांच्या विधानाला पुष्टी मिळत आहे. त्यांच्या मते, 19 तारखेला अमेरिकेत एपस्टीन फाईलमधील महत्त्वाची माहिती उघड केली जाणार आहे. मात्र, अमेरिका आणि भारतातील वेळेच्या फरकामुळे ही माहिती भारतात 20 तारखेला समोर येईल.
ADVERTISEMENT
बातम्या हायलाइट
"अमेरिका अन् आपल्या वेळेत अंतर, उद्यापर्यंत एपस्टीन फाईलमधील भारतीयांचे नावे येतील"
पृथ्वीराज चव्हाणांचे सनसनाटी दावे
Prithviraj Chavan making sensational claims about Epstein files : काही दिवसांपूर्वी एपस्टीन फाईल्स संदर्भात केलेल्या वक्तव्यावरून माजी मुख्यमंत्री पृथ्वीराज चव्हाण यांना टीकेला सामोरे जावे लागत होते. दरम्यान, आता एपस्टीन फाईल्स समोर आल्याने संपूर्ण जगभरात खळबळ उडाली आहे. बिल गेट्स यांच्यापासून दिग्गज लोकांचे फोटो आणि चॅट्स यातून समोर आले आहेत. त्यानंतर पृथ्वीराज चव्हाण यांनी प्रतिक्रिया दिली असून त्यांनी उद्यापर्यंत त्या फाईलमधून भारतीयांचे नावे समोर येतील, असा सनसनाटी दावा पृथ्वीराज चव्हाण यांनी केलाय. ते कराड येथे पत्रकारांशी बोलत होते.
पृथ्वीराज चव्हाण म्हणाले, अमेरिकेतील प्रमुख वर्तमानपत्रांमध्ये प्रसिद्ध झालेल्या माहितीनुसार आपण हे प्रकरण आधीच मांडलं होतं. एपस्टीन फाईलबाबत मी अमेरिकेतील वर्तमानपत्र वाचूनच ही माहिती मांडली होती. मी किडेमोडे ज्योतिषी म्हणून नाही, तर उपलब्ध तथ्यांच्या आधारे मी बोललो होतो. मात्र, त्या वेळी त्यांच्या या विधानावर मोठ्या प्रमाणावर टीका झाली होती. “म्हातारपणी चाळे लागले आहेत” अशा शब्दांत माझ्यावर हल्ले झाले, असंही चव्हाण यांनी नमूद केलं.
हेही वाचा : 18 वर्षीय रशियन मुलीचा सौदा, महिलांच्या अंगावर मजकूर, पाहा एपस्टीन फाइल्समधील 3 खळबळजनक फोटो
पुढे बोलताना पृथ्वीराज चव्हाण यांनी सांगितलं की, आता हळूहळू सर्व गोष्टी समोर येत आहेत आणि त्यांच्या विधानाला पुष्टी मिळत आहे. त्यांच्या मते, 19 तारखेला अमेरिकेत एपस्टीन फाईलमधील महत्त्वाची माहिती उघड केली जाणार आहे. मात्र, अमेरिका आणि भारतातील वेळेच्या फरकामुळे ही माहिती भारतात 20 तारखेला समोर येईल.
हे वाचलं का?
