PM Cares चा निधी वापरा, Central Vista चं काम थांबवा, शरद पवार-सोनियांसह प्रमुख विरोधी पक्षांचं मोदींना पत्र

देशात कोरोनाचा कहर हा दुसऱ्या लाटेत पाहण्यास मिळतो आहे. यामुळे आता देशातल्या बारा प्रमुख विरोधी पक्षांच्या नेत्यांनी पंतप्रधान नरेंद्र मोदी यांना खुलं पत्र लिहिलं आहे. सेंट्रल व्हिस्टाचं काम थांबवा, पीएम केअर्सचा निधी लसीकरण आणि आरोग्यसेवांसाठी वापरा हे आणि अशा प्रकारचे सल्लेही या सगळ्यांनी पंतप्रधान नरेंद्र मोदी यांना दिले आहेत.

कोरोनाच्या महामारीत चेन्नई सुपर किंग्जचा मदतीचा हात; 450 ऑक्सिजन कॉन्सेन्ट्रेटर केले दान

विरोधकांनी नेमक्या काय काय मागण्या केल्या आहेत पंतप्रधान नरेंद्र मोदींकडे?

देशात लसीकरणाचा वेग मंदावला आहे, कोरोनाशी लढण्यासाठी लस हे महत्त्वाचं साधन आहे. त्यामुळे शक्य होईल तिथून लसी खरेदी करा देशातून असो वा विदेशातून लसी खरेदी करा आणि भारतीयांना द्या

संपूर्ण देशात लसीकरण तातडीने आणि व्यापक प्रमाणात लसीकरण सुरू झालंच पाहिजे, त्यासाठी जे काही आवश्यक आहे ती पावलं उचला

देशांतर्गत लसीकरणासाठी आवश्यक असलेलं लायसनिंग तातडीने सुरू करा

संपूर्ण देशाच्या लसीकरणाचं बजेट हे 35 हजार कोटींचं ठेवा

सेंट्रल व्हिस्टा प्रोजेक्ट थांबवा, त्यासाठी करण्यात आलेली आर्थिक तरतूद लसी आणि ऑक्सिजन पुरवठा यासाठी वापरा

पीएम केअर फंड आणि सगळ्या खासगी फंडासाठी जमा झालेली रक्कम बाहेर काढा आणि त्यातून ऑक्सिजन आणि मेडिकल उपकरणे, साधने खरेदी करा

बेरोजगारांना प्रति महिना 6 हजार रूपये दरमहा द्या

सगळ्या गरजूंना मोफत अन्न-धान्य वापट करा

कोरोना महामारीमुळे आर्थिक संकटात सापडलेल्या शेतकऱ्यांना शेतीकामाकडे लक्ष देता यावं म्हणून कृषी कायदा मागे घ्या

महाराष्ट्रात Lockdown वाढणार, 18 ते 44 वयोगटाचं लसीकरण तूर्तास स्थगित-राजेश टोपे

अशा नऊ मागण्या असलेलं पत्र विरोधकांनी मोदी सरकारला लिहिलं आहे. पंतप्रधान नरेंद्र मोदींच्या विरोधात विरोधकांनी एकत्र येत पहिल्यांदाच पत्र लिहिलं आहे. कोरोना महामारीमुळे देश संकटात आहे. आरोग्य सुविधा आणि लसींची वानवा आहे. अशात 12 विरोधी पक्षांनी एकत्र येऊन मोदींना पत्र लिहिलं आहे. या विरोधकांमध्ये काँग्रेस अध्यक्षा सोनिया गांधी, राष्ट्रवादीचे अध्यक्ष शरद पवार, शिवसेना पक्ष प्रमुख उद्धव ठाकरे, टीएमसीच्या नेत्या ममता बॅनर्जी, डीएमकेचे नेते एम. के. स्टॅलिन, जेडीएसचे नेते एच.डी. देवेगौडा, झारखंड मुक्ती मोर्चाचे नेते हेमंत सोरेन, जम्मू काश्मीरचे माजी मुख्यमंत्री फारुख अब्दुल्ला, समाजवादीचे नेते अखिलेश यादव, राजदचे नेते तेजस्वी यादव, सीपीआय नेते डी राजा आणि सीपीआयचे नेते सीताराम येचुरी यांनी खुल्या पत्रावर सह्या केल्या आहेत.