Maharashtra Political crisis : शिवसेना फुटली! एकनाथ शिंदेंची ‘बेरीज’ झाली?

एकनाथ शिंदे यांनी ४० पेक्षा अधिक आमदार माझ्यासोबत असल्याचा दावा गेल्यानंतर राज्यात मुख्यमंत्र्यांच्या राजीनाम्याची चर्चा सुरू झाली. मात्र, मुख्यमंत्र्यांनी समोर येऊन भेटावं असं सांगत मातोश्री सोडली. मुख्यमंत्री तथा पक्षप्रमुख उद्धव ठाकरे यांच्या आवाहनानंतर चित्र आणखीनच बदललं आहे.

उद्धव ठाकरे यांच्या निवेदनानंतर शिवसेनेचे आणखी आमदार शिंदे गटाला जाऊन मिळाले आहेत. माहिमचे आमदार सदा सरवणकर, कुर्लाचे आमदार मंगेश कुडाळकर आणि माजी गृह राज्यमंत्री दीपक केसरकरही गुवाहाटीत पोहोचले आहेत. त्यामुळे शिंदेंना आवश्यक असलेल्या आकड्याची बेरीज जवळपास झाली असल्याचं दिसतंय.

दुसरीकडे एकाच वेळी दोन तृतीयांश आमदार फुटल्याने शिवसेनेच्या बाजूने बोटावर मोजण्याइतकेच आमदार शिल्लक राहिले आहेत.

शिवसेनेचे एकूण आमदार किती? शिंदेंच्या गटात कोण कोण गेलं?

एकनाथ शिंदे – कोपरी पाचपाखाडी (शिवसेना शिंदे गट)

गुलाबराव पाटील – जळगाव ग्रामीण (शिवसेना शिंदे गट)

चिमणराव पाटील – एरंडोल (शिवसेना शिंदे गट)

किशोर पाटील – पाचोरा (शिवसेना शिंदे गट)

संजय गायकवाड – बुलडाणा (शिवसेना शिंदे गट)

संजय रायमुलकर – मेहेकर (शिवसेना शिंदे गट)

नितीन देशमुख – बाळापूर

संजय राठोड – दिग्रस

बालाजी कल्याणकर – नांदेड उत्तर (शिवसेना शिंदे गट)

संतोष बांगर – कळमनुरी

राहुल पाटील – परभणी

अब्दुल सत्तार – सिल्लोड (शिवसेना शिंदे गट)

प्रदीप जैस्वाल – औरंगाबाद मध्य (शिवसेना शिंदे गट)

संदिपान भुमरे – पैठण (शिवसेना शिंदे गट)

रमेश बोरनारे – वैजापूर (शिवसेना शिंदे गट)

सुहास कांदे – नांदगाव (शिवसेना शिंदे गट)

दादा भुसे – मालेगाव बाह्य (शिवसेना शिंदे गट)

श्रीनिवास वनगा – पालघर (शिवसेना शिंदे गट)

शांताराम मोरे – भिवंडी ग्रामीण (शिवसेना शिंदे गट)

विश्वनाथ भोईर – कल्याण पश्चिम (शिवसेना शिंदे गट)

बालाजी किणीकर -अंबरनाथ (शिवसेना शिंदे गट)

लताबाई सोनावणे – चोपडा (शिवसेना शिंदे गट)

प्रकाश सुर्वे – मागाठणे (शिवसेना शिंदे गट)

प्रताप सरनाईक – माजीवडा (शिवसेना शिंदे गट)

सुनील राऊत – विक्रोळी

रमेश कोरगांवकर – भांडुप पश्चिम

रविंद्र वायकर – जोगेश्वरी पूर्व

सुनील प्रभू – दिंडोशी

दिवंगत रमेश लटके – अंधेरी पूर्व (यांचा मृत्यू)

दिलीप लांडे – चांदिवली

प्रकाश फातर्पेकर – चेंबुर

मंगेश कुडाळकर – कुर्ला (शिवसेना शिंदे गट)

संजय पोतनीस – कलिना

सदा सरवणकर – माहिम (शिवसेना शिंदे गट)

आदित्य ठाकरे – वरळी

अजय चौधरी – शिवडी

यामिनी जाधव – भायखळा (शिवसेना शिंदे गट)

महेंद्र थोरवे – कर्जत

महेंद्र दळवी – अलिबाग

भरत गोगावले – महाड (शिवसेना शिंदे गट)

ज्ञानराज चौगुले – उमरगा (शिवसेना शिंदे गट)

कैलास पाटील – उस्मानाबाद

तानाजी सावंत – परांडा (शिवसेना शिंदे गट)

शाहजीबापू पाटील – सांगोला (शिवसेना शिंदे गट)

शंभूराज देसाई – पाटण (शिवसेना शिंदे गट)

योगेश कदम – दापोली (शिवसेना शिंदे गट)

भास्कर जाधव – गुहागर

उदय सामंत – रत्नागिरी

राजन साळवी – राजापूर

वैभव नाईक – कुडाळ

दीपक केसरकर – सावंतवाडी (शिवसेना शिंदे गट)

प्रकाश आबिटकर – राधानगरी (शिवसेना शिंदे गट)

अनिल बाबर खानापूर (शिवसेना शिंदे गट)

सुजित मिंचेकर – हातकणंगले

शिंदे गटात असलेले अपक्ष

बच्चू कडू, मंजुळा गावित, चंद्रकांत पाटील, नरेंद्र भोंडेकर, राजकुमार बडोले.

पुढे काय होणार?

एकनाथ शिंदे यांनी शिवसेनेला मोठा धक्का दिल्याने आता राज्यात मोठा राजकीय भूकंप होण्याची चिन्हं आहेत. एकनाथ शिंदे हे सर्व आमदारांची खात्री झाल्यानंतर राज्यपालांची भेट घेणार असल्याचं सांगितलं जातंय. एकनाथ शिंदे यांनी शिवसेना पक्षावर दावा केल्यानंतर उद्धव ठाकरेंसाठी आणखी मोठा धक्का असणार आहे.