‘आदित्य ठाकरे, तू दिशा सालियनची हत्या केली’, नारायण राणेंचा गंभीर इशारा

दिशा सालियन प्रकरण पुन्हा एकदा महाराष्ट्राच्या राजकारणात चर्चेत आलंय. अभिनेता सुशांत सिंह राजपूतची एक्स मॅनेजर दिशा सालियनचा 14व्या मजल्यावरून पडून मृत्यू झाला होता. या प्रकरणात वेगवेगळे आरोप करण्यात आले आहेत. केंद्रीय मंत्री नारायण राणे, नितेश राणे यांच्यापाठोपाठ शिंदे गटातील राहुल शेवाळे, भरत गोगावले यांनी आदित्य ठाकरेंचा यांच्याशी संबंध असल्याचा दावा केलाय.

Disha Salian Case : ‘त्या’ बातम्या खोट्या : दिशा सालियन प्रकरणात CBI चा मोठा खुलासा

दिशा सालियन मृत्यू प्रकरण हिवाळी अधिवेशनातही प्रचंड गाजलं. या प्रकरणात राज्याचे उपमुख्यमंत्री तथा गृहमंत्री देवेंद्र फडणवीस यांनी एसआयटी मार्फत चौकशी करण्याची घोषणा केलीये. एसआयटी चौकशीचा निर्णय राजकीय असल्याची म्हटलं जात असतानाच आता केंद्रीय मंत्री नारायण राणेंनी आदित्य ठाकरेंना दिशा सालियनच्या मृत्यूसाठी जबाबदार धरलंय.

नारायण राणेंचे आदित्य ठाकरेंवर गंभीर आरोप

रविवारी एका कार्यक्रमात बोलताना केंद्रीय मंत्री नारायण राणे हे आदित्य ठाकरेंना उद्देशून म्हणाले, ‘दिशा सालियनवर तू अत्याचार केला. तिची हत्या केली, तुला सोडणार नाही.’

‘सुशांतसिंह राजपूत आणि दिशा सालियनचं नाव आलं की आदित्य ठाकरे चवताळले. आज नाहीतर उद्या… पण तुला तुरुंगात नक्की पाठवणार. दिशा सालियन या एका भारतीय आणि महाराष्ट्रीयन मुलीवर तू अत्याचार केला आहे. तू हत्या केली आहे,’ असा आरोप राणेंनी केलाय.

Disha Salian Death ची फाईल उघडली, फडणवीसांची मोठी घोषणा

‘त्यावेळी आदित्य ठाकरे तिथं उपस्थित होते. तुला सोडणार नाही. आता भाजपा आणि शिंदे गटाची सत्ता आहे, एवढं लक्षात ठेवा,’ असा इशारा केंद्रीय मंत्री नारायण राणे यांनी आदित्य ठाकरेंना दिला आहे.