रशिया-युक्रेन युद्ध थांबणार?; शांती वार्ता बेलारुमध्येच होणार, बैठकीकडे जगाच्या नजरा

कीव्हच्या ताबा घेण्यासाठी रशियाकडून युक्रेनवर 24 फेब्रुवारी रोजी आक्रमण करण्यात आलं. रशियन लष्कराने तीन बाजूंनी चढाई करत मिसाईल डागल्या. त्याचबरोबर बॉम्ब हल्लेही केले. सलग पाचवा दिवसांपासून रशिया-युक्रेन यांच्यातील संघर्ष सुरू असून, संघर्षाच्या तिसऱ्या दिवशी रशियाने चर्चेचा तयारी दर्शवली होती.

रशियाच्या हल्ल्यात आत्तापर्यंत 352 युक्रेनी नागरिकांचा मृत्यू, जखमींची संख्या 1 हजारांपेक्षा जास्त

रशियाने बेलारुसमध्ये चर्चेसाठी युक्रेनच्या सरकारला आमंत्रित केलं होतं. मात्र, युक्रेनने बेलारुमध्ये चर्चेचा प्रस्ताव फेटाळून लावला होता. अखेर युक्रेनने रशियाचा प्रस्ताव स्वीकारला असून, आज दोन्ही देशांच्या शिष्टमंडळांमध्ये शांती वार्ता होणार आहे. त्यामुळे उभय देशांतील लष्करी संघर्ष निवळण्याची शक्यता निर्माण झाली आहे.

युक्रेनमध्ये अडकून पडलेल्या भारतीय विद्यार्थ्यांना मारहाण, व्हीडिओ आला समोर

बेलारुसच्या परराष्ट्र मंत्रालयाकडून शांती वार्ता बैठकीची माहिती देण्यात आली. बेलारुसच्या परराष्ट्र मंत्रालयाने एक फोटो ट्विट केला. ज्यात दोन्ही देशातील चर्चेसाठी तयार करण्यात आलेला टेबल दिसत आहे. रशिया-युक्रेन यांच्यातील बैठकीसाठीची तयारी झाली आहे. आता फक्त दोन्ही देशांच्या शिष्टमंडळांची प्रतिक्षा आहे, असं बेलारुसच्या परराष्ट्र मंत्रालयाने म्हटलं आहे.

मिस युक्रेनचा रणरागिणी अवतार, हाती शस्त्र घेत देशाच्या रक्षणासाठी सज्ज

दोन्ही देशांमध्ये चर्चा होत असली, तरी युक्रेनचे राष्ट्राध्यक्ष व्होल्दिमीर झेलेन्स्की हे फार आशावादी नसल्याचं दिसत आहे. बैठकीच्या चर्चा सुरू असताना आणि युक्रेनचं शिष्टमंडळ चर्चेसाठी रवाना होण्यापूर्वी झेलेन्स्की म्हणाले, “नेहमीप्रमाणेच या बैठकीतून काही परिणामकारक घडेल अशी आशा नाही, प्रयत्न करू देऊयात,” असं त्यांनी म्हटलं आहे.