Santosh Deshmukh Case MCOCA : संतोष देशमुख प्रकरणात मकोका दाखल, पण वाल्मिक कराड मात्र...

वाल्मिक कराड हा सध्या 14 दिवसांच्या कोठडीत आहे. त्याच्यावरही मकोका लावण्याची मागणी वारंवार केली जात आहे. मात्र, वाल्मिक कराडवर मकोका दाखल करण्यात आलेला नाही. त्यामुळे खून प्रकरणाशी वाल्मिकचा संबंध अजूनही दाखवता आलेला नाही असंच चित्र आहे. 

हे ही वाचा >> Santosh Deshmukh Murder Case: आरोपी विष्णू चाटेला 14 दिवसांची न्यायालयीन कोठडी! केज कोर्टात नेमकं काय घडलं?

एकीकडे मोर्चे काढले जातायत, दुसरीकडे संतोष देशमुखांचे कुटुंबी टाहो फोडतायत तर या प्रकरणाचा तपास कुठवर आला हे कुणालाच माहिती नाहीये. याच मुद्द्याला धरून संतोष देशमुखांची लेक वैभवी देशमुख हीने यंत्रणांच्या तपासाबद्दल गंभीर प्रश्न उपस्थित केला आहे. 

हे ही वाचा >> Devendra Fadnavis : "शरद पवार चाणक्य, म्हणून...", पवारांनी RSS चं कौतुक केल्यानंतर काय म्हणाले फडणवीस?

वैभवी म्हणाली, "माझ्या वडिलांची हत्या झाली, त्याला आता महिना उलटला. पोलीस प्रशासन त्यांच्या पद्धतीनं काम करतंय, पण तपास कुठपर्यंत आला, कोणत्या पद्धतीनं तपास केला जातोय याबद्दल आम्हाला काहीच माहिती नाही. एक आरोपी अजूनही सापडलेला नाही. त्यामुळे आम्हाला प्रश्न पडलाय की, तपास आमच्यापासून का लपवला जातोय. या केसमध्ये काय चाललंय हे देशमुख कुटुंबीयालाच नाही तर संपूर्ण महाराष्ट्राला कळलं पाहिजे. त्यामुळे या केसच्या तपासाबद्दल आम्हाला वेळोवेळी कळवण्यात यावं"