हे ही वाचा : सातारा : प्राध्यापकाचे तरुणीला अश्लील मेसेज, नंतर शरीरसुखाची मागणी, लाज आणणारा प्रकार

बेशुद्ध करुन अत्याचार

पीडितेने दिलेल्या माहितीनुसार, एक दिवस तिची प्रकृती बिघडली असता डॉ. सुलेमानने तिला इंजेक्शन देऊन औषध दिले. यामुळे ती बेशुद्ध झाली आणि त्या अवस्थेत डॉक्टरने तिच्यावर बलात्कार केला. सुमारे तीन तासांनंतर तिला जाग आली असता, तिच्यावर अत्याचार झाल्याचे तिच्या लक्षात आले. जेव्हा तिने या प्रकाराचा जाब विचारला तेव्हा डॉक्टरने तिचे अश्लील व्हिडिओ चित्रीकरण केल्याचे दाखवून तिला ब्लॅकमेल करण्यास सुरुवात केली. धक्कादायक बाब म्हणजे, या संपूर्ण प्रकारात डॉक्टरची पत्नी आबिदा ही देखील पतीला साथ देत होती.

सलग 14 महिने अत्याचार

पुढील 14 महिने अश्लील व्हिडिओच्या जोरावर डॉक्टरने पिडीतेचे लैंगिक शोषण केले. तिला सतत मानसिक त्रास देऊन या प्रकाराची कोणाकडेही वाच्यता केल्यास जीवे मारण्याची धमकी देण्यात येत होती. काही दिवसांपूर्वी पीडितेचे वडील परदेशातून परतल्यानंतर तिने धीर एकवटून सर्व घटना त्यांना सांगितली. यानंतर वडिलांनी तिला घेऊन पोलीस ठाणे गाठले. सुरुवातीला पोलिसांनी आरोपीला अटक केली, मात्र काही तासांतच त्याची सुटका केल्याने पोलीस प्रशासनाच्या भूमिकेवर प्रश्नचिन्ह उपस्थित झाले.

हे ही वाचा : नाशिक : महिलेवर बलात्कार केल्याचा आरोप, ज्योतिषाला अटक; एकनाथ शिंदेंचं भविष्य सांगून आलेला चर्चेत

पीडितेने व्हिडिओ बनवून आत्महत्येची दिली धमकी

पोलिसांकडून योग्य कारवाई होत नसल्याचे पाहून पीडितेने एक व्हिडिओ बनवून आत्महत्येची धमकी दिली, ज्यानंतर पोलीस प्रशासन खडबडून जागे झाले. या प्रकरणाची गंभीरता लक्षात घेऊन एसएसपींनी तपासाची सूत्रे एसपी क्राईम इंदू सिद्धार्थ यांच्याकडे सोपवली आहेत. या तपास पथकात महिला पोलीस अधिकाऱ्यांचाही समावेश आहे. 'व्हिडिओ समोर आला असून सर्व पुराव्यांची सखोल चौकशी केली जात आहे, दोषींवर कडक कारवाई केली जाईल,' असे आश्वासन एसपी क्राईम यांनी दिले आहे.