'या'वरुन झाला वाद

या प्रकरणातील आरोपी राकेश हा बी.कॉमच्या शेवटच्या वर्षात शिकत आहे, तर दुसरा आरोपी विद्यार्थी डॉन ब्राईट सन हा बीबीएच्या पहिल्या वर्षाचा विद्यार्थी आहे. मृत माधव मातले हे 'लक्ष्मी नरसिंह पीजी'चे मालक होते. घटनेच्या वेळी त्यांनी पीजीच्या आवारात असलेल्या नळाच्या पाण्याने पाय धुणाऱ्या दोन विद्यार्थ्यांना हटकले होते. यावरून त्यांच्यात सुरुवातीला शाब्दिक चकमक उडाली, परंतु काही वेळातच या वादाला अत्यंत हिंसक वळण मिळाले. 

हे ही वाचा : 'संजय पाटील भो$, ती बंदूक तुझ्याच ढुं%$#@ घातली जाईल..', चिडलेल्या राऊतांची जीभ पुन्हा घसरली

बॅटने केला हल्ला

पोलिसांनी दिलेल्या माहितीनुसार, माधव मातले यांनी विद्यार्थ्यांना इमारतीत प्रवेश करण्यास आणि तिथे पाय धुण्यास विरोध केल्यावर, आरोपींनी त्यांना अत्यंत घाणेरड्या भाषेत शिवीगाळ करण्यास सुरुवात केली, ज्यामुळे वाद अधिकच चिघळला. या शिवीगाळीमुळे संतप्त झालेल्या माधव मातले यांनी त्या विद्यार्थ्यांना मारण्यासाठी क्रिकेटची बॅट घेतली. मात्र त्या दोघांनी त्यांच्याकडील बॅट हिसकावून घेतली अन् त्यांच्यावरच हल्ला केला. या जीवघेण्या हल्ल्यात मातले यांना गंभीर दुखापत झाली आणि शेवटी जखमांमुळे त्यांचा मृत्यू झाला.

हे ही वाचा : 'नार्वेकरांनी आशाताईंच्या नाही तर मराठी भाषेच्या निधनाचा शोकप्रस्ताव मांडला, त्यापेक्षा हिब्रूमध्ये... राज ठाकरेंच्या संतापाचा कडेलोट

मद्यप्राशन केल्याचा संशय

 या घटनेची माहिती मिळताच पोलिसांनी तातडीने घटनास्थळी धाव घेत दोन्ही आरोपींना ताब्यात घेतले. याप्रकरणी पोलिसांनी भारतीय न्याय संहितेच्या कलम 103 अंतर्गत खुनाचा गुन्हा दाखल केला आहे. सूत्रांनी दिलेल्या माहितीनुसार, या दोन्ही विद्यार्थ्यांनी घटनेपूर्वी पीजीजवळ मद्य प्राशन केली होती आणि त्यानंतर ते तिथे पाय धुण्यासाठी आले होते, ज्यातून हा संपूर्ण प्रकार घडला.