सातारा कारागृहातील कैद्याने पोलिसाला कॉलर धरून केली मारहाण

याबाबत अधिक माहिती अशी, ही घटना दि. 9 व 10 रोजी अशा दोन टप्प्यात घडली आहे. दि. 9 रोजी दुपारी तक्रारदार रणजित बर्गे जेलमध्ये कर्तव्य बजावत असताना संशयिताने ‘तुला लय मस्ती आली. तुझ्याकडे बघतो’, असे म्हणत जीव मारण्याची धमकी देवून हाताने मारहाण करण्यास सुरुवात केली. अचानक घडलेल्या या घटनेमुळे जेलमध्ये खळबळ उडाली. इतर पोलिसांनी धाव घेवून संशयिताला ताब्यात घेतले. या घटनेची माहिती कारागृह अधीक्षक यांना दिल्यानंतर त्यांनी दि. 10 रोजी संबंधित पोलिस व संशयिताला कार्यालयात चौकशीसाठी बोलवण्यात आले.

दुसर्‍या वेळी प्राथमिक चौकशी सुरु असतानाच पुन्हा संशयित आरोपी काशीनाथ जाधव याने जेल पोलीस रणजित बर्गे यांची कॉलर धरत धक्काबुक्की केली. अखेर संशयिताला ताब्यात घेतलं. त्यानंतर त्याच्या विरोधात शहर पोलीस ठाण्यात शासकीय कामात अडथळा यासह विविध कलमान्वये गुन्हा दाखल करण्यात आला आहे.