Maharashtra Lockdown E-Pass: ई-पास कसा मिळवाल, पाहा संपूर्ण माहिती एका क्लिकवर

मुंबई: E-pass Online Maharashtra: कोरोनाची (Corona) दुसरी लाट ही अत्यंत घातक असून त्यात अनेकांना प्राण गमवावे लागत आहेत. अशावेळी कोरोनाला रोखण्यासाठी महाराष्ट्र सरकारने लॉकडाऊनचा (Lockdown) निर्णय घेतला आहे. याचसोबत आज (23 एप्रिल) महाराष्ट्र पोलिसांनी (Maharashtra Police) असंही जाहीर केलं की, आता यापुढे एका जिल्ह्यातून दुसऱ्या जिल्ह्यात किंवा दुसऱ्या राज्यात जाण्यासाठी आपल्याला ई-पास (E-Pass) आवश्यक असणार आहे.

राज्यात पुन्हा लॉकडाऊन करण्यात आल्याने आता अनेक राज्यातील अनेक जण हे आपल्या खासगी वाहनाने आपल्या मूळ गावी जाण्याची दाट शक्यता आहे. पण यामुळे कोरोनाची संसर्ग वाढण्याची शक्यता आहे. यामुळेच आता राज्य सरकारने फक्त अत्यावश्यक कामांसाठीच परगावी जाण्याची परवानगी दिली आहे. त्यासाठी आपण खासगी वाहनाने प्रवास करणार असाल तर आपल्याकडे ई-पास असणं गरजेचं आहे.

E-Pass Maharashtra: लॉकडाऊनमधील ‘तो’ नियम पुन्हा आला, प्रवासासाठी ई-पास हवा!

लॉकडाऊनमुळे आता जर आपल्याला अत्यावश्यक कामासाठी कुठे जायचं असेल तर त्यासाठी आधी आपल्याकडे ई-पास आवश्यक आहे. पण आता हा ई-पास नेमका मिळवायचा कसा? हे आता आम्ही आपल्याला सांगणार आहोत. जाणून घ्या महाराष्ट्रात ई-पास नेमका कसा मिळवायचा.

Break The Chain : नव्या आदेशाप्रमाणे फक्त ‘या’ कर्मचाऱ्यांनाच लोकल प्रवासाची मुभा

एका जिल्ह्यातून दुसऱ्या जिल्ह्यात किंवा इतर राज्यामध्ये अत्यावश्यक कामानिमित्त जाण्यासाठी ई-पास कसा मिळवाल?

1. E-pass Maharashtra: सगळ्यात आधी covid19.mhpolice.in या वेबसाइटवर लॉग इन करा

2. E-pass Maharashtra: या वेबसाइटवर आपण लॉग इन केल्यानंतर पहिल्या पेजवर Apply for Pass Here हे बटण दिसेल त्यावर क्लिक करा.

3. E-pass Maharashtra: या बटणावर क्लिक केल्यावर आपल्यासमोर हे पेज ओपन होईल. त्यात आपल्याला जी आवश्यक आहे ती सगळी माहिती भरावी लागणार आहे.

4. E-pass Maharashtra: वरील संपूर्ण माहिती भरल्यानंतर स्क्रोल करुन आपल्याला खालच्या पेजवर आपला फोटो आणि इतर माहिती भरावी लागेल. त्यानंतर Submit या बटणावर क्लिक करा. यानंतर एक Token ID मिळेल तो देखील आपण सेव्ह करुन ठेवा.

5. E-pass Maharashtra: आपण ज्या ई-पाससाठी अर्ज केला आहे त्याचं नेमकं स्टेट्स काय आहे हे आपल्याला covid19.mhpolice.in इथेच जाणून घेता येईल. खाली दिलेल्या बटणावर आपल्याला ई-पासचं स्टेट्स पाहता येईल. तसंच इथूनच आपल्याला ई-पास डाऊनलोड देखील करता येईल.

E-pass Maharashtra: ई-पास ऑनलाइन भरताना काही गोष्टी आवर्जून लक्षात ठेवा.

• आपण जेव्हा ई-पास भरत असाल तेव्हा संपूर्ण माहिती ही इंग्रजीमधूनच भरा.

• यावेळी आवश्यक असणारी कागदपत्रं जवळ ठेवा.

• ई-पाससाठी एक पेक्षा अधिक वेळा अर्ज करु नये. असं केल्यास आपल्याला ई-पास मिळण्यात अडचण येऊ शकते.