Video : भास्कर जाधव २० वर्षांनी पुन्हा बनले ट्रक ड्रायव्हर!

नेमकं काय झालं?

भास्कर जाधव यांच्या एका कार्यकर्त्याने नवीन ट्रक घेतला आणि हा ट्रक दाखवण्यासाठी भास्कर जाधव यांच्या कार्यालयाजवळ आणला. आमदार जाधव यांनी तो ट्रक पाहिला, हारही घातला. पण यावेळी ट्रक चालवायचा मोह त्यांना आवरला नाही. त्यांनी थेट मुंबई गोवा महामार्गावर सात किलोमीटर अंतर ट्रक चालवला आणि ट्रक चालवण्याचा मनमुराद आनंद लुटला.

यावेळी आमदार जाधव यांनी अनेक जुन्या आठवणी सांगितल्या. आपण अनेक वर्ष लाईनला ट्रक चालविल्याचा उल्लेख त्यांनी केला. संपूर्ण महाराष्ट्र, गोवा, राजस्थान, दिल्ली अशा राज्यांमध्ये ट्रक चालवला असल्याचं त्यांनी सांगितलं. तसंच आजच्या घडीला वाहनं चालवणं तंत्रज्ञानामुळे सोप्प झालं आहे. पण जुन्या काळी पाच गिअरचे ट्रक असायचे. मोठी स्टेअरिंग असायची. त्यामुळे वाहनं चालवणं कौशल्याचं काम होतं.