सुधा भारद्वाज यांना सर्वोच्च न्यायालयात दिलासा; NIA ची याचिका फेटाळली

2018 मधील भीमा कोरेगाव-एल्गार परिषद प्रकरणी एनआयएने सामाजिक कार्यकर्त्या सुधा भारद्वाज यांनाही आरोपी करण्यात आलं आहे. या प्रकरणात सुधा भारद्वाज तुरुंगात असून, गेल्या आठवड्यात म्हणजेच 1 डिसेंबर रोजी त्यांना मुंबई उच्च न्यायालयात दिलासा मिळाला होता. मुंबई उच्च न्यायालयाने त्यांना जामीन मंजूर केला होता.

Elgar Parishad case: NIA च्या आरोपपत्रात ‘PM मोदींच्या हत्येच्या कटा’बाबत उल्लेख नाही!

मुंबई न्यायालयाने दिलेल्या जामीनाच्या निर्णयाला एनआयएने सर्वोच्च न्यायालयात आव्हान दिलं होतं. एनआयएने दाखल केलेल्या याचिकेवर आज सर्वोच्च न्यायालयात सुनावणी झाली. मुंबई उच्च न्यायालयाने दिलेल्या आदेशात हस्तक्षेप करण्याची कोणतीही गरज नसल्याचं सांगत सर्वोच्च न्यायालयाने याचिका फेटाळून लावली.

1 डिसेंबर रोजी सुधा भारद्वाज यांना जामीन देताना उच्च न्यायालयाने 8 डिसेंबरला एआयए न्यायालयात हजर करण्याचे निर्देश दिले होते. जामीनाच्या शर्थी निश्चित करण्यासाठी सुधा भारद्वाज यांना उद्या (8 डिसेंबर) एआयए न्यायालयासमोर हजर केलं जाणार आहे.

भीमा कोरेगाव प्रकरण : सुधा भारद्वाज यांना अखेर बॉम्बे हाय कोर्टाकडून दिलासा

अन्य आरोपींचा जामीन अर्ज फेटाळला

भीमा कोरेगाव प्रकरणातील इतर आरोपींना मात्र, न्यायालयाने जामीन नाकारला आहे. न्यायालयाने सुधीर ढवळे, डॉ. वरवरा राव, रोना विल्सन, अॅड. सुरेंद्र गडलिंग, प्रोफेसर शोमा सेन, महेश राऊत, वरनॉन गोन्साळवी आणि अरुण फरेरा यांनी जामीनासाठी अर्ज दाखल केला होता. हे सर्व जण जून- ऑगस्ट 2018 पासून अटकेत आहेत.