Who is Shailesh Jejurikar: कोण आहेत शैलेश जेजुरीकर? जे बनले प्रॉक्टर अँड गॅम्बलचे पहिले भारतीय ग्लोबल COO

मुंबई: ग्राहक उत्पादने विकणाऱ्या बहुराष्ट्रीय कंपनी प्रॉक्टर अँड गॅम्बल (P&G) ने शैलेश जेजुरीकर (Shailesh Jejurikar) यांची नवीन ग्लोबल सीओओ म्हणून नियुक्ती केली आहे. ही पहिलीच वेळ की एखादी भारतीय व्यक्ती ही पी अँड जी (Procter & Gamble)कंपनीच्या ग्लोबल सीओओ पदी नियुक्त झाली आहे.

मुंबईत जन्मलेले 54 वर्षीय जेजुरीकर हे हैदराबाद पब्लिक स्कूलचे विद्यार्थी होते आणि याच शाळेत मायक्रोसॉफ्टचे सत्य नाडेला हे त्यांचे वर्गमित्र होते. सत्या नाडेला (Satya Nadella) हे जगप्रसिद्ध मायक्रोसॉफ्ट कंपनीचे प्रसिद्ध जागतिक सीईओ आहेत.

जेजुरीकर हे त्यांच्या कुटुंबातील एकमेव व्यक्ती नाहीत ज्यांची मोठी ओळख आहे. त्यांचा मोठा भाऊ राजेश हे महिंद्रा अँड महिंद्राचे कार्यकारी संचालक आहेत आणि त्यांना FMCG सेक्टरची पार्श्वभूमीही आहे. राजेश जेजुरीकर म्हणतात की, ‘भारतीय लोकांना जागतिक संस्थांच्या वरच्या क्रमांकावर जाताना पाहणे ही आपल्या सर्वांसाठी अभिमानाची बाब आहे.’

54 वर्षीय शैलेश जेजुरीकर हे भारतीय वंशाच्या काही मोजक्या बिजनेस लीडर्सपैकी एक आहेत ज्यांच्याकडे परदेशी पदवी नाही. शैलेश जेजुरीकर यांनी 1987 मध्ये मुंबईच्या एल्फिन्स्टन महाविद्यालयातून पदवी प्राप्त केली होती. शैलेश यांनी 1989 साली IIM लखनऊमधून एमबीए केलं होतं. त्यानंतर लगेचच 1 जुलै 1989 रोजी ते पी अँड जी इंडियामध्ये सहाय्यक ब्रँड मॅनेजर (पर्सनल हेल्थकेअर) म्हणून रुजू झाले होते. जेजुरीकर यांची पदोन्नती हा P&G च्या नेतृत्व उत्तराधिकारी घोषणेचा एक भाग होता.

1999 साली जेजुरीकर त्यांची मार्केटिंग संचालक, भारत आणि नंतर 2000 साली मार्केटिंग संचालक, फॅब्रिक अँड होम केअर, ASEAN,ऑस्ट्रेलिया, भारत आणि कोरिया-सिंगापूरसाठी नियुक्ती करण्यात आली होती.

जॉन आर मोलरची जागा घेणार

P&G च्या मते, शैलेश जेजुरीकर हे COO म्हणून 1 ऑक्टोबरपासून पदभार स्वीकारणार आहेत. ते जॉन आर मोलर यांची जागा घेणार आहेत. कंपनीचे सध्याचे सीओओ जॉन आर मोलर या वर्षी 1 नोव्हेंबरपासून नवीन अध्यक्ष आणि मुख्य कार्यकारी अधिकारी होणार आहेत. ते डेव्हिड टेलर यांची जागा घेणार आहे.

Maharashtra@61: मराठी तरूणाईच घडवेल नवा महाराष्ट्र

डेव्हिड टेलर हे संचालक मंडळ (लॅटिन अमेरिका, भारत, मध्य पूर्व, आफ्रिका, दक्षिणपूर्व आशिया आणि पूर्व युरोप) चे नेतृत्व करण्यासाठी पी अँड जीचे अध्यक्ष म्हणून पदभार स्वीकारतील. पीअँडजी इंडिया जागतिक स्तरावर पीअँडजी साठी सर्वात मोठ्या निर्यातदारांपैकी एक आहे. कंपनीमध्ये सुमारे 350 भारतीय प्रवासी आहेत.