राजस्थानच्या भारतपूरमध्ये नात्याला काळीमा फासणारी एक घटना समोर आली आहे. हुंड्याचे दीड लाख रुपये न दिल्यामुळे संतापलेल्या पतीने आपल्या नातेवाईकांकरवी पत्नीवर सामूहिक बलात्कार करवला. इतकच नव्हे तर बलात्काराचा व्हिडीओ तयार करत पतीने आपल्या पत्नीला, तुझा पॉर्न व्हिडीओ यु-ट्यूबवर टाकून हुंड्याचे पैसे वसूल करेन अशीही धमकी दिली.
ADVERTISEMENT
या प्रकरणात पीडित महिलेने पतीसह दोन नातेवाईकांविरुद्ध गुन्हा दाखल केला आहे. भारतपूर मधील कामन पोलीस ठाण्याचे वरिष्ठ अधिकारी दौलत साहु यांनी या वृत्ताला दुजोरा दिला. “पीडित महिलेने आपल्या पती आणि दोन नातेवाईकांविरुद्ध बलात्काराची तक्रार दाखल केली आहे. या प्रकरणात अश्लील व्हिडीओ तयार केल्याचं समजतंय परंतू अद्याप याबाबतची पुष्टी व्हायची आहे.”
गर्भवती वहिनीवर जडलं प्रेम, माहेरी जायला निघाल्यामुळे गळा आवळून केली हत्या
“माझ्या सासरची मंडळी हुंड्यासाठी माझा छळ करत होते. ज्यावेळी माझ्या माहेरची मंडळी त्यांना हुंड्याचा पैसा देऊ शकली नाहीत तेव्हा त्यांनी माझ्यावर सामूहिक बलात्कार करायला लावला. त्यांनी माझ्यावर बलात्कार करतानाचा व्हिडीओ तयार करुन यु-ट्यूबवर अपलोड करण्याची धमकी दिली. एका आरोपीने मला पाच दिवसांपूर्वी कामनला आणून माझ्यावर बलात्कार केला. ज्यानंतर मी घरातून पळून गेले आणि माझ्या घरी आले”, अशी माहिती पीडित महिलेने दिली.
Crime: 22 वर्षीय विवाहितेवर सामूहिक बलात्कार, बीड जिल्हा पुन्हा हादरला
पीडित महिला आणि आरोपी पतीचं 2019 मध्ये हरियाणात लग्न झालं होतं. लग्नानंतर लगेचच सासरच्या व्यक्तींनी पीडित महिलेचा हुंड्यासाठी छळ सुरु केला. ज्यानंतर तिने सासर सोडून माहेरी रहायला सुरुवात केली. परंतू पतीने समजूत काढल्यानंतर तिने घरी परतण्याचा निर्णय घेतला. ज्यानंतर पतीने आपल्या दोन नातेवाईकांकरवी आपल्यावर बलात्कार करायला लावून त्याचं चित्रीकरण केल्याचा आरोप पीडित महिलेने केला आहे.
ADVERTISEMENT