रामगिरी महाराज नेमकं काय म्हणाले, संभाजीनगरात जोरदार राडा

अहमदनगर जिल्ह्यातील श्रीरामपूर येथील सरला बेटाचे मठाधिपती रामगिरी महाराज यांनी केलेल्या वादग्रस्त वक्तव्यानंतर छत्रपती संभाजीनगरातील मुस्लीम संघटना आक्रमक झाल्या आहेत. संभाजीनगर शहर तसेच जिल्ह्यातील अनेक ठिकाणी निदर्शने व मोर्चे काढण्यात आले आहे. यावेळी रामगिरी महाराजांवर कठोर कारवाई करण्याची मागणी करण्यात आली आहे. मुस्लीम संघटनांचे नेते म्हणतात की, रामगिरी महाराज यांनी समाजात धार्मिक तेढ निर्माण करण्याचे काम केले आहे आणि त्यामुळे त्यांच्या विरोधात कठोर पाऊले उचलण्याची गरज आहे. छत्रपती संभाजीनगरातील स्थानिक प्रशासनाने शांतता राखण्यासाठी उपाययोजना केल्या आहेत, परंतु परिस्थिती चिंताजनक आहे. निदर्शनांच्या वेळी काही ठिकाणी तणाव निर्माण झाला असून समर्थक आणि विरोधकांमध्ये धक्काबुक्की झाली आहे. प्रशासनाने सर्व बाबींची गंभीर दखल घेतली असून कायदा व सुव्यवस्था राखण्यासाठी पोलीस दल सतर्क आहे.