ऑपरेशन टायगरनंतर.. आणखी मोठा भूकंप घडवणार शिंदे? स्टेजवरून स्वत:च दिली मोठी हिंट

'ये तो सिर्फ ट्रेलर है, पिक्चर अभी बाकी है! आगे आगे देखो होता है क्या.. आपली शिवसेना मराठी माणसाच्या स्वाभिमानासाठी जन्म झाला. महाराष्ट्राची अस्मिता म्हणून शिवसेना उभी राहिली. हिंदुत्वाचा हुंकार म्हणजे शिवसेना, मराठीचा निर्धार म्हणजे शिवसेना..'

'बाळासाहेबांच्या मनासारखं, त्यांचे विचार पुढे नेण्याचं काम करतोय. त्यामुळे त्यांना नक्कीच स्वर्गात आनंद वाटत असेल. हेच आपलं भाग्य आहे. हीच आपल्या कामाची पोचपावती आहे. बाळासाहेब फक्त नावात असून चालत नाही, तुमच्या मनात, विचारात आणि कामात असावे लागतात.'

हे ही वाचा>> Big Breaking: पक्षप्रमुख पद सोडण्याबाबत उद्धव ठाकरेंचं मोठं विधान, शिवसेना UBT च्या मेळाव्यातील हायव्होल्टेज बातमी

'शिवसेना म्हणजे जमिनीचा तुकडा नाही तर शिवसेना म्हणजे विचारांचा आणि आमच्या-तुमच्या काळजाचा तुकडा आहे. शिवसेना म्हणजे राजकीय पक्ष नाही तर भगवं वादळ आहे. जो भगव्याला विसरला, तो राजकारणातून संपला.. हे आपण पाहिलं आहे. खुर्चीसाठी बाळासाहेबांचे विचार तुम्ही सोडले. खुर्चीसाठी तुम्ही हिंदुत्व सोडलं.'

हे ही वाचा>> Operation Tiger: महायुतीत एकनाथ शिंदे कसे झाले यशस्वी त्याची Inside Story.. उद्धव ठाकरे कुठे राहिले गाफील?

'अरे.. बाळासाहेबांच्या हयातीत त्यांना त्रास दिला, त्यांना छळलं.. पण त्यांच्या जाण्यानंतर देखील जे बाळासाहेबांना नको, बाळासाहेबांचा ज्यांना तिरस्कार होता त्यांचा पुरस्कार तुम्ही करताय. ही तुमची वारसदारी.'

'ज्यांनी बाळासाहेबांची शिवसेना वाचविण्याचं काम केलं, जीवापाड प्रेम केलं.. त्यांना तुम्ही शिव्या देता हा कोणता न्याय? शिवसेना पहिल्यांदा कोणी फोडली? राष्ट्रवादीने.. दुसऱ्यांदा कोणी फोडली? काँग्रेसने... त्यांच्यासाठी ओव्या गातायेत.. आणि ज्यांनी धनुष्यबाण गहाण टाकलेला सोडवला, शिवसेना पुढे नेण्याचं काम केलं त्यांना शिव्या देता. आपण 4 वर्षापूर्वी उठाव केला आपला उठाव सुपरहिट झाला. महाराष्ट्रातील तमाम जनतेने तो स्वीकारला. म्हणून आपण जनतेच्या न्यायालयात जिंकलो.' असं एकनाथ शिंदे यावेळी म्हणाले.