'धरण, नदी, डोंगर, सगळं फोनवरुन मंजूर..', बाळासाहेब थोरातांनी एकनाथ शिंदेंची खिल्ली उडवली, नेमकं काय घडलं?

थोरातांचा शिंदेंवर खोचक प्रहार : ‘जिथे जाल तिथे फोन लावून मंजुरी!’

बाळासाहेब थोरात यांनी शिंदेंवर उपरोधिक शब्दांत टीका केली. “सभेत तुम्ही जिथे त्या तिथे मंत्र्यांना फोन लावून ‘हे मंजूर, ते मंजूर’ असे आदेश देत होता. निवडणुकांच्या काळात अशी दिखाऊ कामे करावी लागतात, पण त्यालाही मर्यादा असावी,” असा टोला त्यांनी लगावला. शिंदेंच्या प्रत्येक मागणीवर ताबडतोब मंजुरी देणाऱ्या शैलीवर थोरातांनी उपरोधिक टीका केली. “हे जिथे जातील तिथे एमआयडीसी मंजूर करतात. लोक म्हणतात पाणी नाही, ते म्हणतात धरण मंजूर. लोक म्हणतात धरणासाठी नदी नाही, ते म्हणतात नदी मंजूर. नदीला पाणी नाही म्हणाले की डोंगरच मंजूर करतात! निवडणुकीत अशी बनवाबनवी करायची सवय तुम्हाला लागली आहे,” असे थोरातांनी सांगितले. 

हेही वाचा : छत्रपती संभाजीनगर : शेकोटीतून ठिणगी उडून कपड्यावर पडली अन् पेट घेतला, वृद्धाच्या दुर्दैवी मृत्यूने हळहळ

‘खासदार, आमदार, मंत्री असताना एक रस्ता केला नाही!’

थोरात पुढे म्हणाले, “शिंदे संगमनेरमध्ये येऊन विकासासाठी मतदान करा म्हणत होते. पण त्यांनी आधी नगर–मनमाड महामार्गाचा प्रश्न सोडवावा. एवढ्या वर्षांत खासदार, आमदार, मंत्री असताना एक रस्ता नीट करू शकले नाहीत. आधी काम करा, मग विकासाच्या गोष्टी करा.”

संगमनेर निवडणूक रंगात, मतदारांकडे लक्ष

शिंदे, थोरात आणि सुजय विखे यांच्या टीका-प्रत्युत्तरामुळे संगमनेर नगरपालिका निवडणूक चांगलीच गाजते आहे. राजकीय वातावरण तापले असून, सर्वांचे लक्ष आता मतदारांच्या अंतिम निर्णयाकडे लागले आहे.

इतर महत्त्वाच्या बातम्या 

छत्रपती संभाजीनगर : शेकोटीतून ठिणगी उडून कपड्यावर पडली अन् पेट घेतला, वृद्धाच्या दुर्दैवी मृत्यूने हळहळ