सामूहिक बलात्कार प्रकरणी कोर्टाकडून भाजपच्या माजी आमदाराला सगळ्यात मोठा झटका

काय आहे संपूर्ण प्रकरण?

कल्याणमधील एका विवाहित महिलेने फार्महाऊसवर नेऊन बलात्कार केल्याचा आरोप केला आहे. या तक्रारीच्या आधारे भाजपचे माजी आमदार नरेंद्र पवार आणि बडतर्फ पोलीस अधिकारी शैलेश पाटील यांच्याविरोधात पडघा पोलीस ठाण्यात गुन्हा दाखल करण्यात आला आहे.

हे ही वाचा>> फार्महाऊसवर नेऊन सामूहिक अत्याचार केल्याचा तरुणीचा आरोप, माजी आमदारासह दोघांवर गुन्हा दाखल

गुन्हा दाखल झाल्यापासून नरेंद्र पवार आणि शैलेश पाटील हे दोघेही पोलिसांच्या हाती लागलेले नसल्याचे वृत्त आहे. त्यांच्या शोधासाठी पोलिसांनी सहा पथके तयार केली असून, विविध ठिकाणी शोधमोहीम सुरू आहे.

अटकपूर्व जामीन अर्ज फेटाळला

नरेंद्र पवार यांच्या वकिलांनी भिवंडी न्यायालयात अटकपूर्व जामिनासाठी अर्ज दाखल केला होता. मात्र, न्यायालयाने हा अर्ज फेटाळला आहे. त्यामुळे या प्रकरणातील पुढील न्यायालयीन घडामोडींकडे लक्ष लागले आहे. दरम्यान, 24 सप्टेंबर रोजी होणाऱ्या सुनावणीत पडघा पोलिसांसह फिर्यादीला आपले म्हणणे मांडण्याची संधी देण्यात येणार असल्याची माहिती आहे.

हे ही वाचा>> बलात्काराचे पुरावेच सापडले नाहीत, माजी आमदारांची निर्दोष सुटका

नरेंद्र पवार, शैलेश पाटील यांचा शोध सुरू

या प्रकरणात नरेंद्र पवार आणि बडतर्फ पोलीस अधिकारी शैलेश पाटील हे दोघेही अद्याप पोलिसांच्या हाती लागलेले नसल्याची माहिती आहे.

• दोघांच्या शोधासाठी पोलिसांनी सहा पथके विविध ठिकाणी रवाना केली आहेत.
• विमानतळे आणि रेल्वे स्थानकांवरही तपास करण्यात येत असल्याचे वृत्त आहे.
• मात्र, अद्याप दोघांचाही ठावठिकाणा पोलिसांना लागलेला नसल्याची माहिती आहे.

फार्महाऊसवरील CCTV आणि DVR गायब?

या प्रकरणाच्या तपासादरम्यान भिवंडी तालुक्यातील बापगाव परिसरातील संबंधित फार्महाऊसवरील CCTV कॅमेरे आणि DVR उपलब्ध नसल्याचे समोर आल्याची माहिती आहे. तसेच या फार्महाऊसचा केअरटेकर ‘देवा’ हा देखील फरार असल्याचे वृत्त आहे. त्यामुळे या प्रकरणाच्या तपासात फार्महाऊसवरील CCTV आणि DVR उपलब्ध नसण्याचा मुद्दाही महत्त्वाचा ठरण्याची शक्यता आहे.

24 सप्टेंबरच्या सुनावणीकडे लक्ष

नरेंद्र पवार यांचा अटकपूर्व जामीन अर्ज फेटाळण्यात आल्यानंतर आता गुरुवारी, 24 सप्टेंबर रोजी भिवंडी न्यायालयात पुढील सुनावणी होणार आहे. या सुनावणीत पडघा पोलीस आणि फिर्यादी आपले म्हणणे मांडणार असल्याची माहिती आहे.