बॉडी कॅमेऱ्यांचा वापर

आंदोलनादरम्यान अनुचित प्रकार टाळण्यासाठी आणि चोख नजर ठेवण्यासाठी दिल्ली पोलिसांनी बॉडी कॅमेऱ्यांचा वापर सुरू केला आहे. हे अत्याधुनिक कॅमेरे अंधारातही उत्तम प्रकारे काम करण्यास सक्षम आहेत. आंदोलकांवर व संपूर्ण परिस्थितीवर सतत नजर ठेवण्यासाठी तैनात करण्यात आलेल्या जवानांवर हे कॅमेरे बसवण्यात आले आहेत, जेणेकरून प्रत्येक हालचालीची अचूक नोंद घेतली जाऊ शकेल.

हे ही वाचा : CJP Protest : दिल्लीत आंदोलकांची धरपकड, अभिजीत दिपके कधी पोहोचणार?

पोलीस अन् नागरिकांच्या सुरक्षेसाठी

यापूर्वीच्या एका आंदोलनादरम्यान दिल्ली पोलिसांवर विविध आरोप झाले होते. भविष्यात अशाच प्रकारच्या हाणामारी किंवा वादाच्या प्रसंगी पोलिसांवर लागणाऱ्या खोट्या आरोपांना ठोस व्हिडिओ पुराव्याद्वारे प्रत्युत्तर देता यावे, हा यामागील मुख्य उद्देश आहे. हे कॅमेरे सर्व घटना रेकॉर्ड करणार असल्याने पोलीस आणि नागरिक या दोघांच्याही सुरक्षेला बळ मिळेल, असे मत एका पोलीस कर्मचाऱ्याने व्यक्त केले आहे.

हे ही वाचा : CJP Protest : मेट्रो बंद, 75 रेल्वे रद्द, पोलिसांचा कडक पहारा...दिल्लीत काय घडतंय?

ठिकठिकाणी बॅरिकेडिंग

या मोठ्या आंदोलनामुळे संपूर्ण दिल्लीची वाहतूक व्यवस्था विस्कळीत झाली असून अनेक मार्गांवर बॅरिकेडिंग करण्यात आली आहे. सुरक्षेच्या अतिसंवेदनशील उपायांमुळे तब्बल 75 हून अधिक गाड्या रद्द करण्यात आल्या आहेत. राजधानीतील जनजीवन सुरळीत राहावे आणि कोणताही अनुचित प्रकार घडू नये यासाठी प्रशासनाने संपूर्ण शहरात कडेकोट बंदोबस्त ठेवला आहे.