"धर्मांतरासाठी आलेल्यांचा सैराट करा....", बक्षीस जाहीर करत काय म्हणाले गोपीचंद पडळकर?

हे ही वाचा >>कोकणात पाऊस घालणार धिंगाणा; तर मध्य महाराष्ट्रात पावसाचा येलो अलर्ट जारी, आजचं हवामान वाचाच
 

पडळकर काय म्हणाले?

मोर्चादरम्यान बोलताना आमदार गोपीचंद पडळकर यांनी खळबळजनक विधान केलं. “धर्मांतराचे प्रकार आता गावोगावी सुरू झाले आहेत. हिंदू धर्माच्या रक्षणासाठी ऋतुजाने प्राण दिले. असे प्रकार पुन्हा होऊ नयेत म्हणून गावागावांतून या लोकांविरोधात पेटून उठले पाहिजे,” असं ते म्हणाले.

"सैराट केला तर 11 लाखांचं बक्षीस..."

पुढे पडळकरांनी बैलगाडी शर्यतीतील बक्षिसांचा दाखला देत, “जे धर्मांतर घडवणारे गावात येतात, त्यांना ठोकून काढा. तुडवले तर 1-2 लाख, कायमचे घरी बसवले तर 3 लाख आणि सैराट केला तर 11 लाखांचे बक्षीस मी वैयक्तिकरित्या देईन,” असं आक्षेपार्ह वक्तव्य पडळकरांनी केलं. या विधानाने उपस्थितांमध्ये एकच खळबळ उडाली.

हे ही वाचा >>Mumbai Weather: मुंबईत मुसळधार पावसाचा अंदाज, लोकल ट्रेनवर होऊ शकतो परिणाम

मोर्चामध्ये माजी आमदार नितीनराजे शिंदे, भाजपाच्या महिला पदाधिकारी आणि हजारो सांगलीकर बंधू-भगिनी मोठ्या संख्येने सहभागी झाले होते. सक्तीच्या धर्मांतराविरोधात कठोर कायदा करण्याची मागणी यावेळी जोर धरत होती. ऋतुजा राजगे यांच्या आत्महत्येच्या घटनेनं सांगलीसह राज्यभरात संतापाची लाट पसरली असून, याप्रकरणी पुढील कायदेशीर कारवाईकडे सर्वांचे लक्ष लागले आहे.