'मी पक्ष सोडलेला नाही...', सचिन अहिरांचा मोठा दावा.. बाजूलाच बसलेले शिंदे तात्काळ म्हणाले, अरे...!

"ते शिवसेनेतच आहेत. ते जेव्हा आमदार झाले, तेव्हा आम्ही त्यांना मतदान केले होते. त्यावेळीही शिवसेना आणि धनुष्यबाण आमच्याकडे होता. आजही शिवसेना आणि धनुष्यबाण आमच्याकडे आहे. त्यामुळे ते शिवसेनेतच आहेत. तुम्ही काय पक्ष सोडल्याच्या गोष्टी करता?"

शिंदे यांच्या या वक्तव्यामुळे त्यांनी सचिन अहिर यांना आपल्या शिवसेनेचाच भाग असल्याचे सूचित केले.

राजकीय चर्चांना उधाण; नेमकी स्थिती काय?

सचिन अहिर यांनी उपसभापतीपदासाठी उमेदवारी अर्ज मुख्यमंत्री एकनाथ शिंदे यांच्या उपस्थितीत दाखल केला असला, तरी त्यांनी अद्याप औपचारिकरीत्या शिवसेना (उद्धव बाळासाहेब ठाकरे) पक्षाचा राजीनामा दिल्याची घोषणा केलेली नाही.

यामुळे सध्या राजकीय आणि कायदेशीर पातळीवर त्यांची भूमिका चर्चेचा विषय ठरली आहे. तांत्रिकदृष्ट्या ते कोणत्या पक्षाचे सदस्य आहेत, याबाबत पुढील काही दिवसांत अधिक स्पष्टता येण्याची शक्यता आहे.