‘तुमची किंमत जर ठेवायची असेल तर…’, पाहा नितेश राणे जरांगे-पाटलांना असं का म्हणाले

राणे-जरांगे वाद

मनोज जरांगे पाटील यांच्याकडून मराठा आरक्षणासाठी आंदोलन सुरु झाल्यानंतर राजकीय नेते आणि त्यांच्यामध्ये काही वेळा तू तू मैं मैं झाले होते. यामध्ये गेल्या काही दिवसांपासून नितेश राणे यांच्यामध्येही वाद रंगला होता. त्यातच केंद्रीय मंत्री नारायण राणे यांनीही मराठा समाजाविषयी केलेल्या वक्तव्यावरुन त्यांनी एकमेकांवर टीका केली होती. तर आता पुन्हा एकदा नितेश राणे यांनी जरांगे पाटील यांना सल्ला देत त्यांनी आता राजकीय चर्चा करु नये असा सल्ला दिला आहे.

राणेंनी दिला मैत्रीचा सल्ला

नितेश राणे यांनी मनोज जरांगे पाटील यांच्याविषयी बोलताना सांगितले की, माझी किंमत भाजपला माहिती आहे. तुमची किंमत जर ठेवायची असेल तर राजकीय बोलायचं बंद करा. हा माझा मैत्रीचा सल्ला असल्याचे त्यांनी त्यांना सांगितले आहे. यावेळी नितेश राणे यांनी सांगितले की, उद्या बनसोडे-साळुंखे हे कोण हे समजणारच आहे.

हे ही वाचा >> Maratha Reservation : “मी त्याला फाडून खाईन”, आमदार गायकवाडांचं धक्कादायक विधान

गाड्या फोडणारे नेमके कोण?

मराठा आरक्षणासाठी ज्या-ज्या आमदारांची घरं, गाड्या फोडल्या गेल्या आहेत. ते फोडणारे कोणीही मराठा समाजाचे नसल्याचेही त्यांनी सांगितले. ही माणसं ठाकरे-पवारांचे असल्याचे म्हणत त्यांनी गंभीर आरोप केला आहे. प्रदीप साळुंखे व बनसोडे हे कोणाचे पिल्लू आहेत याचं उत्तर विनायक राऊत यांनी द्यावं असा टोला त्यांनी राऊतांना लगावला आहे.

सरकार वडापावची गाडी नाही

यावेळी उद्धव ठाकरे सरकारवर टीका करताना त्यांनी हे सरकार वडापावची गाडी नाही म्हणत त्यांनी उद्धव ठाकरे यांच्या गटावर खोचक टीका केली आहे. त्यांनी विश्वासानं सांगिते आहे की, आमचं सरकार कायम टीकणारं आहे. त्यामुळे दोन्ही राऊतांना डबलबारीसाठी बोलवा येवढेच काम त्यांना राहिले असल्याचा टोलाही त्यांनी लगावला आहे.