'जगातील कोणत्याही नेत्याने 'ऑपरेशन सिंदूर' बंद करा असं सांगितले नाही', पंतप्रधान मोदींनी स्पष्ट करून टाकलं

ते पुढे म्हणाले की, 9 मे च्या मध्यरात्री आणि 10 मे च्या सकाळी आमच्या क्षेपणास्त्रांनी पाकिस्तानच्या कानाकोपऱ्यात वार केले आणि पाकिस्तानला गुडघे टेकण्यास भाग पाडले.

हे ही वाचा>> 'यांचा छिछोरपणा सैन्याचं मनोबल खच्ची करत होते', PM मोदी काँग्रेसवर संतापले

'भारताने आधीच सांगितले होते...'

पंतप्रधान मोदी म्हणाले, "जेव्हा पाकिस्तानला जोरदार फटका बसला तेव्हा पाकिस्तानने डीजीएमओंना बोलावून विनंती केली की पुरे झाले, पुरे झाले. आता आमच्यात आणखी हल्ले सहन करण्याची ताकद नाही. कृपया हल्ला थांबवा. भारताने पहिल्याच दिवशी म्हटले होते की, आम्ही आमचे लक्ष्य साध्य केले आहे. जर तुम्ही आता काहीही केले तर ते तुम्हाला महागात पडेल. भारताचे स्पष्ट धोरण होते, ते सैन्याच्या सहकार्याने ठरवलेले धोरण होते की त्यांच्या मालकांचे लपण्याचे ठिकाण आमचे लक्ष्य आहे."

'काही लोक लष्कराची वस्तुस्थिती सांगत नाहीत...'

नरेंद्र मोदी म्हणाले की, "10 मे रोजी भारताने ऑपरेशन सिंदूर अंतर्गत केली जाणारी कारवाई थांबवण्याची घोषणा केली, त्याबद्दल अनेक वेगवेगळ्या गोष्टी बोलल्या गेल्या. हाच प्रचार सीमेपलीकडून येथे पसरवला जात आहे. काही लोक सैन्याने दिलेल्या तथ्यांऐवजी पाकिस्तानचा खोटा प्रचार करण्यात व्यस्त होते, तर भारताची भूमिका नेहमीच स्पष्ट होती."

हे ही वाचा>> 'दम असेल तर PM मोदींनी म्हणावं ट्रम्प खोटारडे आहेत..', राहुल गांधींचं थेट आव्हान

'भारत काहीही करू शकतो...'

लोकसभेत नरेंद्र मोदी म्हणाले, "आज पाकिस्तानलाही चांगलेच कळले आहे की भारताचे प्रत्येक उत्तर पूर्वीपेक्षा अधिक मजबूत आहे. भविष्यात गरज पडल्यास भारत काहीही करू शकतो हे देखील त्याला माहिती आहे. म्हणूनच मी लोकशाहीच्या या मंदिरात पुन्हा एकदा सांगू इच्छितो की ऑपरेशन सिंदूर चालू आहे."

ते पुढे म्हणाले की, "जर पाकिस्तानने कोणताही धाडस केला तर त्याला योग्य उत्तर दिले जाईल. आजचा भारत आत्मविश्वासाने भरलेला आहे. आजचा भारत स्वावलंबनाच्या मंत्राने पूर्ण शक्तीने वेगाने पुढे जात आहे. देश पाहत आहे की भारत स्वावलंबी होत आहे. परंतु देश हे देखील पाहत आहे की एकीकडे भारत स्वावलंबी होण्याकडे वाटचाल करत आहे परंतु काँग्रेस मुद्द्यांसाठी पाकिस्तानवर अवलंबून आहे." असं म्हणत PM मोदींनी विरोधकांवर जोरदार टीका केली आहे.