मराठवाडा पदवीधर मतदारसंघात पवारांच्या ढाण्या वाघाने मारली बाजी, नेमका कसा फिरला गेम?

‘आजचा निकाल पदवीधरांच्या स्वाभिमानाचा दिवस’

“आजचा निकाल हा पदवीधरांच्या स्वाभिमानाचा दिवस आहे. गेल्या 18 वर्षांपासून पदवीधरांना भेडसावणारा राजकीय दुष्काळ आजच्या निकालाने संपला आहे. पदवीधरांना स्वच्छ आणि निष्कलंक चेहरा मिळाला असून, त्यांच्या प्रश्नांना न्याय देणारा नेता निवडून येत आहे,” अशी भावना पदवीधरांनी व्यक्त केली.

हे ही वाचा>> विधान परिषद निवडणुकीचा पहिला निकाल आला हाती, कोणी मिळवला प्रचंड मोठा विजय?

‘मराठवाडा पदवीधर मतदारसंघ शरदचंद्र पवारांचा असल्याचे पुन्हा सिद्ध’

“मराठवाडा पदवीधर मतदारसंघ हा शरदचंद्र पवार साहेबांना मानणारा मतदारसंघ आहे, हे पुन्हा एकदा सिद्ध झाले आहे. विद्यापीठाच्या नामांतरापासून या भागातील अनेक लोक शरदचंद्र पवार यांच्या विचारांशी जोडले गेले आहेत. त्यांच्याच विचारांचा उमेदवार या मतदारसंघातून निवडून येत असल्याचा आनंद आहे,” असेही पदवीधरांनी सांगितले.

‘बॅलेट पेपरमुळे लोकशाही जिवंत राहिली’

या विजयाचे श्रेय बॅलेट पेपरला आणि शरदचंद्र पवार यांच्या विचारांना दिले पाहिजे, अशी भावना व्यक्त करत पदवीधर म्हणाले, “ईव्हीएमच्या माध्यमातून आकर्षक चेहरे आणि आश्वासने दाखवून मतदारांची दिशाभूल केली जात असल्याची आमची भावना होती. मात्र, बॅलेट पेपरमुळे आज लोकशाही जिवंत राहिली, असे म्हणावेसे वाटते. या निकालातून पदवीधरांनी आपला कौल स्पष्ट केला आहे.”

हे ही वाचा>> विधान परिषद निवडणूक निकाल 2026 LIVE : नागपूर पदवीधर मतदारसंघ मतमोजणी महत्वाची अपडेट

एकूणच, प्रतापसिंह पाटील यांच्या विजयाच्या वाटचालीदरम्यान धाराशिवमध्ये झालेल्या जल्लोषातून पदवीधरांचा उत्साह दिसून आला.

छत्रपती संभाजीनगर मतदारसंघात राष्ट्रवादी काँग्रेसचे अजित पवार आणि शरद पवार गट तसेच शिवसेना (UBT) यांच्यात लढत होती. 

• सतीश चव्हाण – राष्ट्रवादी काँग्रेस (अजित पवार)
• दिलीप घुगे – शिवसेना (UBT)
• प्रतापसिंह पाटील – राष्ट्रवादी काँग्रेस (शरद पवार)

या तीन उमेदवारांमध्ये प्रामुख्याने लढत होती. ज्यामध्ये राष्ट्रवादी काँग्रेस शरद पवारांच्या पक्षाचे उमेदवार प्रतापसिंह पाटील यांनी ऐतिहासिक विजय मिळवत सतीश चव्हाणांना मोठा धक्का दिला.