Namdev Shastri: "मी गुन्हेगाराच्या पाठीमागे नाही, फक्त...", देशमुख कुटुंबीय भगवानगडावर पोहोचल्यावर नामदेव शास्त्री काय म्हणाले?

माझ्या वडिलांची निर्घृणपणे हत्या करण्यात आली. आमची परिस्थिती तुम्ही एकदा पाहायला हवी होती आणि नंतर वक्तव्य करायला पाहिजे होतं, असं वैभवी देशमुख नामदेव शास्त्रींना म्हणाल्या. यावर प्रतिक्रिया देताना नामदेव शास्त्री म्हणाले, मी काहीही बोललो नाही. मी तुमच्या पाठिमागे आहे. हा जो प्रकार आहे, तो समाजातील वाईट लोकांनी केलेलं काम आहे. तुम्ही जर भगवानगडाचे शिष्य आहात, मस्साजोग केज तालुका हा बाबांना मानणारा आहे. अनेकवेळा दौरे झाले आहेत. म्हणून कदाचित माझ्या बोलण्याचा गैरसमज झाला असेल. मी गुन्हेगाराच्या पाठीमागे नाही. फक्त इतर लोकांनी त्याचा अर्थ चुकीचा केलेला आहे. भगवान गड आपल्या पाठिशी आहे. मी भगवान बाबाला प्रार्थना करतो, फास्टट्रॅकवर लवकरात लवकर न्याय मिळावा. भगवान गड हा कायस्वरुपी त्यांच्या पाठिशी उभा राहील. 

हे ही वाचा >> Sanjay Raut: "एकनाथ शिंदे भाजपसमोर सरपटणारं प्राणी...", संजय राऊतांचा उपमुख्यमंत्री शिंदेंवर घणाघात

संतोष देशमुख, धनंजय देशमुखांचं कुटुंबीय भगवान गडावर नामदेव शास्त्रींना भेटायला गेले आहेत, यावर प्रतिक्रिया देताना शिवसेना नेते अर्जून खोतकर म्हणाले, "नामदेव शास्त्री महाराजांकडे आपली बाजू मांडतील ते..नामदेव शास्त्री मोठे माणसं आहेत. ते समजून घेतील. त्यांनी भूमिका घेतलीय. त्या मुलांचं पालन पोषण भगवान या ठिकाणी करेन. मला असं वाटतं की याला वेगळ्या अर्थाने पाहू नये. धनंजय मुंडेंना पाठराखण करण्याबाबत ते कोणत्या अवस्थेत बोलले माहिती नाही. परंतु, त्या गोष्टीला वेगळ्या अर्थाने पाहू नका". 

हे ही वाचा >> नाशिकजवळ भीषण अपघात, 200 फूट खोल दरीत बस कोसळून 7 जणांचा मृत्यू