आधी मुलाने नाद करु नका म्हणत अजितदादांना आव्हान दिलं, आता एका दिवसात राजन पाटील अन् बाळराजेंचा माफीनामा

राजन पाटील आणि त्यांचे पुत्र काय म्हणाले?

राजन पाटील म्हणाले, "माझ्या मुलाच्या तोंडून नकळत, उत्साहात जे अपशब्द गेलेत ते व्हायला नको होते. त्याबद्दल मी अजितदादा आणि पवार परिवाराची अंतःकरणपूर्वक दिलगिरी व्यक्त करतो. मोठ्या साहेबांच्या चरणी मी नतमस्तक होतो. माझी विनंती हा विषय आता थांबवावा. अजितदादांनी पार्थ किंवा जयसारखं समजून बाळराजे पाटलांना पदरात घ्यावं."

शिवाय, अजितदादा मोठे नेते आहेत, मी दिलगिरी व्यक्त करतो, असं बाळराजे पाटील म्हणाले आहेत.

अनगर नगरपंचायतीची निवडणूक यावेळी राज्यातील सर्वाधिक चर्चेचा विषय ठरली. राजन पाटील यांच्या बिनविरोध परंपरेला या वेळी प्रथमच धक्का बसला होता. राष्ट्रवादी काँग्रेसकडून उज्वला थिटे यांनी पोलिस बंदोबस्तात नगराध्यक्षपदासाठी अर्ज दाखल करून पाटील कुटुंबाच्या वर्चस्वाला आव्हान दिले होते. मात्र छाननीदरम्यान त्यांचा अर्ज बाद झाला. यानंतर पाटील समर्थकांनी नगरपंचायत कार्यालयासमोर जल्लोष केला आणि त्याच वेळी विक्रांत पाटील यांनी अजित पवारांना हे आव्हान दिले. ग्रामपंचायतीचे नगरपंचायतीत रुपांतर झाल्यानंतरची ही पहिलीच निवडणूक. यामध्ये भाजपकडून राजन पाटील यांची सून प्राजक्ता अजिंक्यराणा पाटील यांच्या उमेदवारीची घोषणा झाली होती. पाटील समर्थकांना निवडणूक पूर्वीप्रमाणेच बिनविरोध होईल अशी खात्री होती. पण राष्ट्रवादीच्या उज्वला थिटे यांनी अर्ज दाखल करताच राजकीय वातावरण तापले. पोलिस बंदोबस्तात उमेदवारी दाखल केल्यामुळे ही निवडणूक राज्यभर चर्चेचा विषय ठरली.

उज्ज्वला थिटे यांचा अर्ज झाला बाद, प्राजक्ता पाटील बिनविरोध होणार नगराध्यक्ष

छाननीदरम्यान अपक्ष उमेदवार सरस्वती शिंदे यांनी केलेल्या आक्षेपांवर आधारित उज्वला थिटे यांचा अर्ज बाद करण्यात आला. अर्ज बाद झाल्यानंतर पाटील गटात आनंदाचे वातावरण निर्माण झाले आणि कार्यालयासमोर मोठा जल्लोष झाला. या जल्लोषात विक्रांत उर्फ बाळराजे पाटील यांना कार्यकर्त्यांनी खांद्यावर घेऊन उत्साह व्यक्त केला.

इतर महत्त्वाच्या बातम्या

तुळजापूर ड्रग्ज प्रकरणातील मुख्य आरोपीला भाजपने नगराध्यक्षपदाची उमेदवारी दिली?; राणा पाटलांनी पक्षाचे आदेश झुगारले?