खासदार संजय राऊतांना कर्करोग झाल्याचं कधी समजलं? कोणता कॅन्सर झाला? स्वत: सांगितलं

संजय राऊत म्हणाले, मला कॅन्सरचं निदान झाल्याचं सांगितलं तेव्हा मी हसलो. काय म्हणतो हो का? म्हणालो ठीक आहे. बघूयात आपण आता.. मला सांगितलं तुला उद्याच अॅडमिट व्हावं लागेल. मी म्हणालो उद्या लगेच कसं होणार? उद्याचं आपलं सगळं शेड्युल ठरलंय. मात्र, कुटुंबाने उपचारासाठी हट्ट केला. ऐन दिवाळीत किमोथेरेपी रेडिएशन हे उपचार घेतले. यातनादायी उपचार आहेत. आजारापेक्षा उपचार भयंकर असतात. मी जवळ-जवळ दीड महिना बंदिस्त होतो. कधी रुग्णालयात होतो, कधी घरी होतो. खूप अडचणी असतात. पाणी देखील पिता येत नाही. मात्र, त्यातून आता बाहेर येण्याचा प्रयत्न करतोय. मला शक्य झालं तेव्हा बाहेर यायचो. उद्धवजींचा त्याच्यावर फार कटाक्ष असतो. हा बाहेर कसा येतो? याला परवानगी दिलेली नाही. त्याला बाहेर सोडू नका. सगळ्याचं प्रेम आहे. मी बरा व्हावं, यासाठी सगळ्याचं प्रेम आहे. मी आजारपणाच्या बाबतीत अतिशहाणपणा करु नये, असं सर्वांना वाटतं. मात्र, तरी मला वाटतं की, आपल्याला यातना विसरायच्या असतील तर आपण कामात राहिलं पाहिजे. मी हॉस्पिटलमध्ये असताना वाचत होतो, लिहित होतो. फोनवरुन बोलायचो. 

मी शरद पवारांना आजारपणाबाबत सांगितलं. तेव्हा त्यांनी सांगितलं किमोची सायकल घ्यावी लागेल. अमूक आहे, तमूक आहे. मग त्यांनी स्वत: काय केलं. डॉक्टर कोण? असं सगळं सांगितलं. शरद पवार म्हणाले, तुम्ही जेवढी हिंमत दाखवाल, तेवढे लवकर बरे व्हाल. हे हिंमतीवर असतं. तुम्ही जेवढी जास्त हिंमत दाखवाल. उभे राहाल. डिप्रेशनमध्ये जायचं नाही. त्यापद्धतीने मी उभा राहिलो. आणखी उपचार सुरु आहेत, काही शस्त्रक्रिया व्हायच्या आहेत, असंही संजय राऊत यांनी नमूद केलं. 

इतर महत्त्वाच्या बातम्या 

जालना : कॉलेजला निघालेल्या तरुणीला बळजबरीने कारमध्ये बसवून आळंदीला नेलं, अन् थेट लग्नच केलं