PM मोदींना फटकारत, शरद पवार ममता बॅनर्जींबद्दल नेमकं काय बोलले?

Sharad Pawar Speaks About Mamta Banerjee : राष्ट्रवादी काँग्रेस-शरदचंद्र पवार गटाचे अध्यक्ष शरदचंद्र पवार (Sharad Pawar) यांनी ममता बॅनर्जींना (Mamta Banerjee) पाठिंबा दिला आहे. 'मोदींना (PM Modi) ममतांचा अभिमान असायला हवा,' असे शरद पवार म्हणाले. ममता एका छोट्या खोलीत राहते आणि बंगाल राज्य चालवते. ते म्हणाले की, 'ममता बॅनर्जी यांची जीवनशैली अत्यंत साधी आहे. आम्ही दोघांनी एकत्र काम केले आहे. केंद्रीय मंत्रिमंडळात आम्ही एकत्र होतो. मी कोलकाता येथे त्यांच्या घरी गेलो आहे. तुम्हाला आश्चर्य वाटेल की अनेक पदे भूषवलेल्या आणि मंत्री राहिलेल्या ममता 10 बाय 10 च्या खोलीत राहतात. दहा बाय दहाच्या खोलीत राहणारी स्त्री त्या राज्यावर राज्य करते. जनता त्यांना तीन-चार वेळा सन्मानाने निवडून देते, पंतप्रधान नरेंद्र मोदी यांना ममता बॅनर्जींचा अभिमान वाटला पाहिजे. मात्र ते त्यांच्यावर टीका करत आहेत. हे लोकशाहीच्या चौकटीत बसत नाही.'

'मोदींचे राजकीय वर्तन लोकशाहीसाठी घातक'

शरद पवार म्हणाले की, 'पंतप्रधान नरेंद्र मोदी यांची राजकीय वागणूक लोकशाहीसाठी अत्यंत घातक आहे. असं झाल्यास सर्वसामान्यांच्या हक्कांवर तडजोड होईल. त्यामुळे आपले मुलभूत हक्क, स्वातंत्र्य आणि संविधान याबाबत आपण अत्यंत सावध व सतर्क राहिलं पाहिजे.' शरद पवार गुरुवारी (7 मार्च) लोणावळ्यात एका कार्यक्रमाला संबोधित करत होते, ज्यात त्यांनी केंद्र सरकारच्या धोरणांवर आणि गेल्या 10 वर्षातील खराब कारभारावर टीका केली.

'सत्तेवर असलेले लोक नेहरूंना शिव्याशाप देतात'

पवार म्हणाले की, 'आज सत्तेत असलेले गांधींची स्तुती करतात आणि नेहरूंना शिव्या देतात. 1947 मध्ये स्वातंत्र्यापूर्वी अनेकांनी प्रयत्न केले आणि ब्रिटिशांविरुद्ध बोलल्याबद्दल तुरुंगात गेले. त्यांनी गांधीजी, सुभाषबाबू यांचे नेतृत्व स्वीकारले आणि त्याचप्रमाणे त्यांनी नेहरूंचे नेतृत्वही स्वीकारले. त्यामुळे सध्याच्या सरकारच्या लोकांनी स्वातंत्र्यसैनिकांच्या अडचणी आणि प्रयत्न ओळखून त्यांचे कौतुक केले पाहिजे. पण पंतप्रधान मोदी रोज नेहरू आणि त्यांच्या विचारांवर टीका करतात.'

अशोक चव्हाणांवर निशाणा

संसदेत श्वेतपत्रिका मांडल्याचे शरद पवार म्हणाले. त्या कागदपत्रात त्यांनी यूपीए सरकारचा वाईट कारभार प्रकाशित केला होता आणि पेपरमध्ये त्यांनी आदर्श सोसायटी घोटाळ्याचा उल्लेख केला होता. कारगिल शहिदांच्या विधवांसाठी बांधलेल्या सदनिका चव्हाण यांनी त्यांच्या नातेवाईकांना वाटल्याचा आरोप पवार यांनी केला. मोदी सरकारच्या आरोपानंतर अशोक चव्हाण यांनी भाजपशी हातमिळवणी केली.

राष्ट्रवादी काँग्रेस शरदचंद्र पवार गटाचे अध्यक्ष शरदचंद्र पवार म्हणाले की, 'वर्षभरापूर्वी मोदींनी भाषणात सिंचन घोटाळ्याचा उल्लेख केला होता. ते म्हणाले की, महाराष्ट्र सहकारी बँकेत राष्ट्रवादीच्या नेत्यांनी भ्रष्टाचार केला. या आरोपाची चौकशी करण्याचे धाडस दाखवावे, असे खुले आव्हान मी त्यांना दिले. माजी सरन्यायाधीशांना त्या प्रकरणांची चौकशी करू द्या. सत्य काय आहे ते लोकांना सांगा. मग तुम्ही बघाल ते कलंकित लोक कुठे आहेत? याचा अर्थ भाजप वॉशिंग मशीन झाला आहे. जसे आपण वॉशिंग मशीन वापरून आपले कपडे स्वच्छ करतो. केंद्र सरकारने सत्तेचा दुरुपयोग केल्याची अनेक उदाहरणे आहेत. आदिवासी नेते हेमंत सोरेन झारखंडचे मुख्यमंत्री होते. मात्र केंद्र सरकारने त्यांना खोट्या खटल्यात तुरुंगात टाकले.'