सुनेत्रा पवारांवर झालेल्या टिकेनं रान पेटलं, 'गुंगी गुडिया' टिकेचा इतिहास आला समोर

सुनेत्रा पवारांवर काँग्रेसकडून झालेल्या टिकेनं रान पेटलं

काँग्रेसच्या या टिकेला आता राज्यातून प्रत्युत्तर दिले जात आहे. "काँग्रेस ही लोकांपासून आता दूर गेलेली आहे. इंदिरा गांधींवर विरोधकांनी  टिका केली होती. त्याच पंतप्रधान झाल्याचा इतिहास देखील आहे. काँग्रेस चांगल्या लोकांच्या हाती नाही, त्यामुळे त्यांना पराभव पचवता येत नाही असे हे लोक आहेत," अशा शब्दांत सुनेत्रा पवारांवर महाराष्ट्र काँग्रेसनं केलेल्या टिकेला राष्ट्रवादीकडून जोरदार प्रत्युत्तर देण्यात आले. यानंतर आता सुनेत्रा पवार यांचा मुलगा जय पवार म्हणाले की, "मी केवळ आईच्या मागे उभा, नाहीतर स्वत:च्या कर्तुत्वाने आपली ओळख निर्माण करणाऱ्या महिलेच्या सन्मानाच्या रक्षणासाठी उभा आहे." 

जय पवार यांची पोस्ट जशीच्या तशी 

"माननीय सुनेत्रा पवार यांच्याबाबत काँग्रेस नेत्यांनी वापरलेली भाषा अत्यंत निषेधार्ह आहे. राजकीय मतभेद असू शकतात, परंतु महिलांचा सन्मान, प्रतिष्ठा आणि व्यक्तिमत्त्वाला कमी लेखणारी भाषा कोणत्याही सुसंस्कृत लोकशाहीत सहन केली जाऊ शकत नाही." राजकारण हे विचारांचे आणि धोरणांचे असावे, महिलांच्या अपमानाचे नव्हे, असे सांगत त्यांनी लोकशाही मूल्यांचे भान ठेवण्याचे आवाहन केले आहे. 

मी केवळ आईच्या मागे उभा, नाहीतर स्वत:च्या कर्तुत्वाने आपली ओळख निर्माण करणाऱ्या महिलेच्या सन्मानाच्या रक्षणासाठी उभा आहे. तिची राजकीय विचारधारा कोणतीही असो, तिचा सन्मान हा अबाधित आणि निर्विवाद राहिला पाहिजे. 

राजकारणात विजय-पराजय होत राहतात, सत्ता बदलत राहते; मात्र महिलांना सन्मान कोणत्याही पक्षाहून नेत्यांहून आणि राजकीय संघर्षापेक्षा श्रेष्ठ आहे. त्या सन्मालाला धक्का पोहोचवणारे प्रत्येक विधान केवळ निषेधार्हच नसून लोकशीहीच्या संस्कृतिला काळिमा फासणारं आहे.

गुंगी गुडिया अशी इंदिरा गांधीवर टिका 

जानेवारी 1966 मध्ये पंतप्रधान लाल बहादूर शास्त्री यांच्या आकस्मिक निधनानंतर इंदिरा गांधी देशाच्या पंतप्रधान झाल्या होत्या, सुरूवातीला फार काही बोलत नव्हत्या. यावरून त्यांना समाजवादी नेते डॉ. राम मनोहर लोहिया यांनी त्यांना उपहासाने गुंगी गुडिया' म्हटले होते. तिच बाब आता सुनेत्रा पवार यांच्याबाबत घडलेली दिसून आली.