"ही कुठली पद्धत?", विकास लवांडेंना अटक होताच सुप्रिया सुळे संतापल्या

हेही वाचा :  बायको-लेकरु.., 25 लाख रुपये अन् तिच्या सौंदर्याची मोहिनी, भयंकर प्रकरण! काय घडलं?

सुप्रिया सुळे यांची फेसबुक पोस्ट

"राष्ट्रवादी काँग्रेस पार्टी शरदचंद्र पवार पक्षाचे ( Nationalist Congress Party - Sharadchandra Pawar ) प्रवक्ते विकास लवांडे ( Vikas Lawande - विकास लवांडे ) यांना अटक करण्यात आली. या अटकेचा आम्ही निषेध करतो. राज्याचे गृहखाते नेमके कोणत्या दिशेने काम करतेय हा प्रश्न उपस्थित व्हावा, अशी ही गेल्या काही दिवसांतील पुणे शहर आणि परिसरातील प्रमुख हिंसक घटनांची ही यादी....गुन्हेगारीबाबत अक्षरशः महाराष्ट्रात पुणे शहराचा पहिला तर भारतात पाचवा क्रमांक लागतो. केंद्र सरकारची आकडेवारीच हे स्पष्टपणे सांगत आहे. दिवसाढवळ्या खून होतात, गॅंगवॉर होते, रस्त्यावर रक्तपात होतो, महिलांवर - चिमुरड्यांवर अत्याचार होतो, राजकीय कार्यकर्त्यांना अटक होते आणि गुंडांना मात्र मोकळे रान मिळते या सर्व गोष्टी राज्याच्या कायदा सुव्यवस्थेची स्थिती सांगायला पुरेशा आहेत.  गृहमंत्री महोदय, जनता प्रश्न विचारतेय की, हिंसेचे हे रक्तरंजीत दुष्टचक्र कधी थांबणार आहे का ? एवढ्या घटना सातत्याने आसपास घडत असताना देखील गृहखाते हाताची घडी, तोंडावर बोट अशा अवस्थेत का बसलंय ? जनतेला उत्तरे हवी आहेत आणि कठोर कृतीदेखील...! जनता दहशतीच्या छायेखाली असताना गृहमंत्रालय मात्र सुस्त आहे. गुन्हेगारांना फ्री हॅंड द्यायचा आणि दुसरीकडे लवांडे यांच्यासारख्या राजकीय कार्यकर्त्यांना सूड भावनेतून अटक करायची, ही  कुठली पद्धत? महाराष्ट्राचे मुख्यमंत्री देवेंद्र फडणवीस जनता आपल्याकडून न्याय मागतेय. किमान सुरक्षित वातावरण मागतेय", असं सुप्रिया सुळे यांनी म्हटलंय. 

हेही वाचा : मावशीकडे रहायला गेली अन् घडलं नको ते, रक्तस्राव झाल्यामुळे प्रकरण बाहेर; आरोपी कोण?

विकास लवांडे फेसबुक पोस्टमध्ये काय म्हणाले? 

"पुणे पोलिसांची चोर सोडून संन्याशाला फाशी..माझ्यावर जीवघेणा हल्ला करणारे आरोपी मोकाट असून वाघोली पोलीस स्टेशन एका खोट्या फिर्यादीवरून कसलाही पुरावा नसताना मला अटक करण्यासाठी मला फोन न करता रात्री घरी आले मी घरी नव्हतो कुटुंबीयांना माझ्या अटकेबाबत निरोप दिला कुटुंबांना घाबरवण्याचा हा प्रयत्न होता काय ? असा माझा सवाल आहे ? पोलीस मला फोन करू शकले असते. मी फरार नाही किंवा माफीवीर नाही. शासनाने मला जरूर अटक करावी मी पोलिसांना सहकार्य करणारा माणूस आहे कारण मी कायदा पाळणारा माणूस आहे कायदा हातात घेणारा माणूस नाही. सत्यासाठी लढत राहणार सत्याग्रही पद्धतीने जामीन , वकील ,दंड देणार नाही. पुणे पोलिसांनी मला जरूर अटक करावी मी तयार आहे. आता मला पुण्यातून पोलीस वाघोली पोलीस स्टेशनला घेऊन चाललेले आहेत", असं विकास लवांडे म्हणाले आहेत.