Tokyo Olympics 2021 : आश्वासक सुरूवातीनंतर तलवारबाजीत भवानीदेवीचा पराभव

फेन्सिंग अर्थात तलवारबाजीच्या खेळात भारताच्या भवानीदेवीने ट्युनिशियाच्या नादिया अझिझीवर 15-3 दणदणित विजय मिळवला. मात्र पुढच्या लढतीत तिला पराभवाचा सामना करावा लागला. फ्रान्सच्या मनोन ब्रुनेटनं भवानीवर 15-7 असा विजय मिळवला. ऑलिम्पिकमध्ये या खेळात भारताचं प्रतिनिधीत्व करणारी भवानी पहिलीच खेळाडू आहे.

पहिल्या फेरीत काय झालं?

तामिळनाडूच्या सीए भवानी देवीने टोक्यो ऑलिम्पिकमध्ये तलवारबाजीत भारताचं प्रतिनिधित्व करताना इतिहास रचला. आपल्या देशाचं तलवारबाजीत प्रतिनिधीत्व करणाऱ्या भवानीदेवीने एकेरी महिला गटात विजयी सुरूवात केली. ट्यूनिशियाच्या नादिया बेन अजिजचा पराभव करत तलवारबाजीचा सामना जिंकला. ऑलिम्पिकमध्ये तलवारबाजीचा सामना जिंकणारी भवानी देवी भारताची पहिली महिला खेळाडू आहे. भवानी देवी (CA Bhavani Devi) नं महिला सेबर व्यक्तिगत टेबल ऑफ 64 सामन्यात 15-3 अशा फरकानं विजय मिळवला. मात्र पुढच्या फेरीत तिला पराभव स्वीकारावा लागला.

Tokyo Olympic : पदकविजेतच्या Mirabai ची इच्छा पूर्ण, Dominos India कडून मिळणार आयुष्यभर मोफत पिझ्झा

सोमवारचे सामने

टेनिसपटू सुमीत नागलची दुसऱ्या फेरीची मॅच असणार आहे. सुमीतने पहिल्या मॅचमध्ये डेनिस इस्टोमिनवर विजय मिळवला.

नेत्रा कुमानन सेलिंगमध्ये पुन्हा एकदा नशीब आजमवणार आहे.

नेमबाजी स्कीट प्रकारात मैराज अहमद खान, अंगद वीर सिंग बाजवा भारताचं प्रतिनिधित्व करतील.

मनिका बात्रा आणि शरथ कमाल या टेबलटेनिसपटूंकडून भारतीय चाहत्यांना अपेक्षा आहेत. रविवारचा फॉर्म कायम राखण्यासाठी हे दोघेही उत्सुक आहेत.

बॉक्सिंगमध्ये आशिष कुमार 69-75 वजनी गटात सहभागी होणार आहे.

जलतरणपटू साजन प्रकाशचा खेळ पाहण्याची संधी भारतीय चाहत्यांना मिळाली आहे.

सात्विकसैराज साईकिरेड्डी-चिराग शेट्टी यांनी पहिल्या मॅचमध्ये दिमाखदार प्रदर्शन केलं होतं. तो फॉर्म कायम राखण्याचा या दोघांचा प्रयत्न असेल.

महिला हॉकी संघाला पहिल्या मॅचमध्ये जे घडलं ते विसरून नव्याने सुरू करण्याची आवश्यकता आहे.