IPL Auction 2026 : कॅमेरुन ग्रीन सर्वात महागडा विदेशी खेळाडू, किती कोटींची बोली लागली?

कोलकाताने केवळ ग्रीनच नाही, तर श्रीलंकेचा वेगवान गोलंदाज मथीशा पथिराना यालाही आपल्या ताफ्यात घेतले. पथिरानासाठी कोलकाताने 18 कोटी रुपये मोजले असून तो आयपीएलमधील आतापर्यंतचा सर्वात महागडा श्रीलंकन खेळाडू ठरला आहे.

अनकॅप्ड भारतीय खेळाडूंवरही पैशांचा पाऊस

या लिलावात आंतरराष्ट्रीय क्रिकेटचा अनुभव नसलेल्या ‘अनकॅप्ड’ भारतीय खेळाडूंनीही मोठी कमाई केली. उत्तर प्रदेशचा 20 वर्षीय डावखुरा फिरकी गोलंदाज प्रशांत वीर आणि राजस्थानचा आक्रमक यष्टिरक्षक-फलंदाज कार्तिक शर्मा यांना चेन्नई संघाने प्रत्येकी 14.20 कोटी रुपये देऊन संघात घेतले. विशेष म्हणजे, या दोघांची मूळ किंमत केवळ 30 लाख रुपये होती. त्यामुळे हे दोघे आयपीएल लिलावाच्या इतिहासातील सर्वाधिक रक्कम मिळवणारे अनकॅप्ड खेळाडू ठरले आहेत. याशिवाय, जम्मू-काश्मीरचा वेगवान गोलंदाज आकिब नबी दार याच्यासाठी दिल्ली संघाने 8.40 कोटी रुपये* मोजले. त्याचीही आधार किंमत 30 लाख रुपयेच होती.

हेही वाचा : सेक्स, दारू आणि... 'आजच्याच दिवशी' झालेल्या पराभवाचं 'हे' आहे खरं कारण, पाकिस्तानची 'अशी' लागलेली वाट!

लिलावातील सर्वात महागडे खेळाडू

25.20 कोटी रुपये – कॅमरून ग्रीन (ऑस्ट्रेलिया) : कोलकाता

18 कोटी रुपये – मथीशा पथिराना (श्रीलंका) : कोलकाता

14.20 कोटी रुपये – कार्तिक शर्मा, प्रशांत वीर (भारत) : चेन्नई

ईडन गार्डन्सवर खेळण्याचा आनंद – ग्रीन

लिलावानंतर प्रतिक्रिया देताना कॅमरून ग्रीन म्हणाला, “कोलकाता संघाकडून खेळण्यासाठी मी खूप उत्सुक आहे. ईडन गार्डन्ससारख्या ऐतिहासिक मैदानावर खेळण्याची संधी मिळणे हे माझ्यासाठी भाग्याची बाब आहे.”

स्टार्कचा विक्रम मोडीत

कॅमरून ग्रीनने आपल्या देशाच्याच मिचेल स्टार्कचा 24.75 कोटी रुपयांचा विक्रम मागे टाकत आयपीएल लिलावातील सर्वात महागडा विदेशी खेळाडू होण्याचा मान पटकावला.

ग्रीनला मिळणार नाही संपूर्ण रक्कम

आयपीएलच्या नियमांनुसार, विदेशी खेळाडूंना मिळणाऱ्या 18 कोटी रुपयांपेक्षा जास्त रक्कम बीसीसीआयच्या खेळाडू विकास कार्यक्रमासाठी वापरली जाते. त्यामुळे 25.20 कोटींची बोली लागली असली, तरी कॅमरून ग्रीनला प्रत्यक्षात 18 कोटी रुपयेच मिळणार आहेत.

इतर महत्त्वाच्या बातम्या 

सेक्स, दारू आणि... 'आजच्याच दिवशी' झालेल्या पराभवाचं 'हे' आहे खरं कारण, पाकिस्तानची 'अशी' लागलेली वाट!