सचिन, द्रविडला जमलं नाही, ते रोहित शर्माने करुन दाखवलं, अशी कामगिरी करणारा पहिला भारतीय ठरला

दुसऱ्या वनडे सामन्यात ऑस्ट्रेलियाने नाणेफेक जिंकली असून प्रथम गोलंदाजीचा निर्णय घेतलाय. प्रथम फलंदाजीसाठी उतरलेल्या भारताला सुरुवातीला मोठा झटका बसला. शुभमन गिल केवळ 9 धावा करून बाद झाला, तर विराट कोहली शून्यावर माघारी परतला. सलग दुसऱ्यांदा कोहली शून्यावर आउट झाला. त्यामुळे भारतीय संघ सुरुवातीच्या षटकांमध्येच अडचणीत सापडलाय. मात्र, रोहितने भारताचा डाव सावरलाय. 

मागील सामन्यात रोहित शर्माने फक्त 8 धावा केल्या होत्या. त्या सामन्यानंतर त्यांच्या ऑस्ट्रेलियामध्ये ऑस्ट्रेलियाविरुद्ध एकूण 998 वनडे धावा झाल्या होत्या. नवा विक्रम करण्यासाठी त्याला फक्त 2 धावा गरजेच्या होत्या, आणि आजच्या सामन्यात त्याने त्या पूर्ण करून इतिहास रचला. तो पहिला भारतीय ठरला आहे, ज्याने ऑस्ट्रेलियाच्या मातीत ऑस्ट्रेलियाविरुद्ध १००० वनडे धावा केल्या. सचिन तेंडुलकर, राहुल द्रविड़, सौरव गांगुली यांसारखे दिग्गजही हे कधी साध्य करू शकले नाहीत.

सचिन तेंडुलकरने ऑस्ट्रेलियामध्ये ऑस्ट्रेलियाविरुद्ध 25 वनडे सामन्यांत 740 धावा केल्या आहेत. एमएस धोनीने 20 सामन्यांत 684 धावा केल्या आहेत. या यादीत दुसऱ्या क्रमांकावर विराट कोहली आहेत, ज्याने 20  सामन्यांत 802 धावा केल्या आहेत. विराट कोहली एडिलेडमध्ये खेळल्या जात असलेल्या दुसऱ्या वनडेत शून्यावर बाद झाला.

सुरुवातीच्या झटक्यांनंतर रोहित शर्माने डाव सावरला 

सुरुवातीला रोहित तिसऱ्या ओव्हरमध्ये रन आउट होण्यापासून वाचला आणि नंतर संयमित खेळ सुरू ठेवला, चांगल्या बॉल्सला मान दिला. सातव्या ओव्हरमध्ये दोन विकेट्स पडल्यानंतर भारताची स्थिती कठीण झाली होती; गिल 9 धावांवर आणि विराट कोहली शून्यावर बाद झाला. त्यानंतर रोहित आणि श्रेयस अय्यरच्या जोडीने भारताचा डाव सावरला. रोहित शर्माने 19 व्या ओव्हरमध्ये पहिला षटकार लगावला आणि त्या ओव्हरमध्ये दोन षटकार मारले. यापूर्वी त्याचा स्ट्राइक रेट खूप कमी होता. त्या ओव्हरपूर्वी तो 62 चेंडूत फक्त 30 धावा करून खेळत होता.

दुसऱ्या वनडेत भारत आणि ऑस्ट्रेलियाची प्लेइंग 11

भारत : रोहित शर्मा, शुभमन गिल (कर्णधार), विराट कोहली, श्रेयस अय्यर, अक्षर पटेल, केएल राहुल (विकेटकीपर), वाशिंग्टन सुंदर, नितीश कुमार रेड्डी, हर्षित राणा, अर्शदीप सिंह, मोहम्मद सिराज

ऑस्ट्रेलिया : मिशेल मार्श (कप्तान), ट्रेविस हेड, मॅट शार्ट, मॅट रेन्शो, अ‍ॅलेक्स कॅरी (विकेटकीपर), कूपर कोनोली, मिचेल ओवेन, जेवियर बार्टलेट, मिचेल स्टार्क, अ‍ॅडम झॅम्पा, जोश हेजलवुड

इतर महत्त्वाच्या बातम्या 

भाऊरायाला ओवाळण्याचा शुभ मुहूर्त कोणता? भाऊबीजेसाठीची शुभ-वेळ जाणून घ्या