T20 World Cup 2022 : आयसीसीचा मोठा निर्णय; सेमीफायनल आणि फायनलसाठी नियम बदलले

आंतरराष्ट्रीय क्रिकेट परिषदेने (ICC) T20 विश्वचषक 2022 च्या नियमांमध्ये मोठा बदल केला आहे. आता सेमीफायनल आणि फायनल सामन्यादरम्यान पाऊस किंवा इतर कारणांमुळे दोन्ही संघ 10-10 षटके खेळल्यावरच डकवर्थ लुईस नियमानुसार सामन्याचा निर्णय घेतला जाईल. हे लक्षात घेण्यासारखे आहे की T20 आंतरराष्ट्रीय सामना किमान 5-5 षटकांचा खेळ पावसामुळे विस्कळीत झाल्यानंतरच डकवर्थ-लुईस नियमाच्या आधारे निर्णय घेतला जातो.

प्लेऑफ सामन्यांसाठी राखीव दिवस असेल

यावेळी टी-20 विश्वचषकात उपांत्य फेरी आणि अंतिम सामन्यांसाठीही राखीव दिवस ठेवण्यात आला आहे. पावसामुळे, नियोजित तारखेला उपांत्य किंवा अंतिम फेरीत दोन संघांमध्ये किमान 10-10 षटकांचा खेळ न झाल्यास, राखीव दिवस वापरला जाईल. तसेच उपांत्य फेरीच्या सामन्यात पावसामुळे राखीव दिवशीही निकाल लागला नाही, तर गटात अव्वल स्थानी असलेला संघ अंतिम फेरीत पोहोचेल.

…अंतिम सामना पावसामुळं रद्द झाला तर?

अंतिम सामना पावसामुळं रद्द झाल्यास दोन्ही संघांना संयुक्त विजेता घोषित केले जाईल. 2002 च्या चॅम्पियन्स ट्रॉफीमध्ये भारत आणि श्रीलंका संयुक्त विजेते होते. T20 विश्वचषक 2022 चा पहिला उपांत्य सामना 9 नोव्हेंबर रोजी सिडनी येथे खेळवला जाईल. त्याच वेळी, दुसरा उपांत्य सामना अॅडलेड ओव्हलवर 10 नोव्हेंबर रोजी होणार आहे. तर अंतिम सामना 13 नोव्हेंबरला मेलबर्न क्रिकेट मैदानावर होणार आहे.

पावसाने अनेक संघांचा खेळ खराब केला

सध्याच्या टी-20 विश्वचषकातील सामन्यात पाऊस पडल्याने अनेक संघांचे समीकरण बिघडत आहे. आतापर्यंत एकूण चार सामन्यात पावसामुळं परिणाम झाला आहे. जिथे 28 ऑक्टोबरला आयर्लंड-अफगाणिस्तान आणि ऑस्ट्रेलिया-इंग्लंड सामना पावसामुळे रद्द करावा लागला होता. त्याआधी दक्षिण आफ्रिका-झिम्बाब्वे आणि न्यूझीलंड-अफगाणिस्तान यांच्यातील सामनाही पावसामुळे अनिर्णित राहिला होता. एवढेच नाही तर आयर्लंडने डकवर्थ लुईस पद्धतीने झालेल्या सामन्यात इंग्लंडचा पराभव केला होता.

हे आहेत पॉइंट टेबलबद्दल नियम

सुपर-12 मध्ये, प्रत्येक संघाला जिंकण्यासाठी दोन गुण मिळत आहेत, तर पराभूत संघाला शून्य गुण मिळत आहेत. सामना बरोबरीत किंवा रद्द झाल्यास संघांमध्ये एक गुण विभागला जाईल. गटातील दोन संघांचे गुण समान असल्यास, त्यांनी स्पर्धेत किती सामने जिंकले, नेट रनरेट किती होता आणि त्यांचा आमने-सामने रेकॉर्ड काय आहे या आधारे ठरवले जाईल.