Viral News: एका महिला शिक्षिकेला स्वत:चे बिकिनी फोटो (Bikini Photo) सोशल मीडियावर (Social Media) शेअर करणं आता बरंच महागात पडलं आहे. कारण तिच्या या कृत्यामुळे तिला चक्क नोकरीवरून काढून टाकण्याची मागणी होत आहे. लोकांनी तिचे फोटो आणि व्हिडिओ हे अश्लील असल्याचे म्हटले आहे. मात्र, शिक्षिकेने आपला बचाव केला आहे. ट्रोल करणाऱ्यांनी प्रोफेशनल आणि पर्सनल लाईफमधला फरक समजून घ्यायला हवा, असं महिला शिक्षिकेने म्हटलं आहे. हे प्रकरण कॅनडामधील आहे. (female teacher shared bikini photos on facebook and instagram school administration gave signal for action)
नेमकं प्रकरण काय?
डेली स्टारच्या रिपोर्टनुसार, क्रिस्टिन मॅकडोनाल्ड असे या महिला शिक्षिकेचे नाव आहे. सोशल मीडियावर ती ‘मिस एवा जेम्स’ म्हणून प्रसिद्ध आहे. क्रिस्टिनला शाळा व्यवस्थापनाने या संपूर्ण प्रकरणात आता अल्टिमेटम दिला आहे. जर तिने तिचे बिकिनीवरील फोटो पोस्ट करणे थांबवले नाही तर तिला काढून टाकले जाईल. असं स्पष्ट शब्दात शाळेच्या प्रशासनाने सांगितलं आहे.
यावर क्रिस्टिनने सांगितले की, ‘तिला शाळेच्या नोकरीतून मिळणारा पगार हा कमी आहे, त्यामुळे तिने अतिरिक्त उत्पन्नासाठी सोशल मीडियाचा आधार घेतला. पण यावर लोकं जो आक्षेप घेत आहे ते खरंच माझ्या समजण्यापलीकडचा आहे.’ क्रिस्टिन म्हणते की, ती शाळेच्या वेळेत या सर्व गोष्टी करत नाही. अशा परिस्थितीत नियम मोडण्याचा प्रश्नच उद्भवत नाही. तिने शालेय व्यवस्थापनाला याबाबत कठोर शब्दात सांगितले देखील आहे की ती यापुढे देखील तिचे बिकिनीमधील फोटो पोस्ट करत राहील.
हे ही वाचा >> Rape Case: 17 वर्षाच्या वासनांध मुलीचा 2 अल्पवयीन मुलांवर बलात्कार, मुलीची आईही…
त्याच वेळी, व्यवस्थापनाचा दावा आहे की, क्रिस्टिन अडल्ट कंटेंट पोस्ट करते. त्यामुळे शाळेच्या प्रतिमेवर परिणाम होतो. मुलांवरही सकारात्मक परिणाम होत नाही. सध्या सोशल मीडियावर काही लोक क्रिस्टिनच्या समर्थनात आहेत तर काही विरोधात आहेत.
एका यूजरने म्हटले – ‘मॉडेलिंग करा किंवा शिकवा.’ दुसऱ्याने लिहिले – ‘शिक्षिकेने कोणताही नियम मोडला नाही. शाळेवर दबाव येत आहे.’ तिसरा म्हणाला – ‘एकत्र बसून प्रश्न सोडवा म्हणजे विद्यार्थ्यांवर परिणाम होणार नाही.’ तर आणखी एका युजरने लिहिले – ‘शिक्षकांनीही थोडे समजून घेतले पाहिजे.’
हे ही वाचा >> Crime: अंतर्वस्त्रावरुन राडा, पडला रक्ताचा सडा… 8 जण गंभीर जखमी
कसा झाला शिक्षिकेबाबत खुलासा?
असे सांगण्यात आले की, क्रिस्टिन ही बऱ्याच काळापासून टिकटॉक आणि अॅडल्ट साइटवर सक्रिय आहे. गेल्या आठवड्यात क्रिस्टिनच्या एका सहकाऱ्याने तिचे फोटो आणि व्हिडिओ पाहिले. यामध्ये ती बिकिनी परिधान केलेली दिसून आली होती. त्यानंतर सहकाऱ्याने हा प्रकार शाळा व्यवस्थापनाला सांगितला. ज्यानंतर शाळेतील इतर शिक्षक आणि प्रशासनामध्ये बराच गोंधळ उडाला. क्रिस्टिनला तिचे फोटो हे अश्लील आणि अडल्ट असल्याचे सांगत अल्टिमेटम देण्यात आला. मात्र, क्रिस्टिन तरीही हार मानायला तयार नाही.
