पारंपारिक नृत्य कला केंद्रात अश्लील पार्टी! संघटनेच्या कार्यकर्त्याने बनवला व्हिडीओ अन्...

पारंपारिक कला केंद्रात अश्लील पार्टी...

खरंतर, पाचोड गावाजवळील थापटी तांडामध्ये असलेलं कुलस्वामिनी कला केंद्र हे पारंपारिक नृत्य समारंभासाठी ओळखलं जातं. याठिकाणी विविध पारंपारिक आणि सांस्कृतिक कार्यक्रम होत असतात. मात्र, पारंपारिक नृत्याच्या नावाखाली या केंद्रात रात्री उशीरा हाय प्रोफाइल अश्लील डान्स पार्टी चालत होती. या पार्टीमध्ये पुरुष नाचणाऱ्या स्त्रियांसोबत अश्लील कृत्ये करत असल्याचं दिसून आलं. 

पार्टीमध्ये नाचताना पुरुषांच्या अश्लील कृत्यांना नाचणाऱ्या स्त्रियांची देखील संमती होती. या पारंपारिक कला केंद्राचं वातावरण अगदी डान्स बारसारखं असलेलं दिसून आलं. नाचताना अगदी उघडपणे कोणतीही लाज न बाळगता दारू दिली जात होती. 

हे ही वाचा: आमदार निवास कॅन्टीनमध्ये शिंदे गटाच्या आमदाराने घातला राडा, कॅन्टीन व्यवस्थापकाला केली मारहाण

संघटनेच्या कार्यकर्त्याने उचललं पाऊल

यूनिव्हर्सिटीच्या एका संघटनेशी संबंधित असलेल्या महिला कार्यकर्त्याला या घटनेची माहिती मिळाली. या प्रकरणाची माहिती मिळताच ती कार्यकर्ता घटनास्थळी पोहोचली आणि तिने यासंबंधीचे पुरावे गोळा करून पोलिसांना याबद्दल माहिती दिली. पोलीस घटनास्थळी पोहोचले, मात्र त्यांनी यासंदर्भात कोणताच गुन्हा नोंदवला नाही.