जालना : वाळू माफियाकडून मंडळ अधिकाऱ्याच्या अंगावर ट्रॅक्टर घालण्याचा प्रयत्न; घटनेचा व्हिडीओ व्हायरल
Jalna Crime News : मिळालेल्या माहितीनुसार, अंबड तालुक्यातील सुकना नदी पात्रातून अवैधरित्या वाळू उपसा सुरू असल्याची माहिती महसूल विभागाला मिळाली होती. त्यानुसार महसूल पथकातील मंडळ अधिकारी कडोस यांच्यासह कर्मचाऱ्यांनी घटनास्थळी जाऊन कारवाई सुरू केली. यावेळी एका ट्रॅक्टरमधून बेकायदेशीररीत्या वाळूची वाहतूक होत असल्याचे पथकाच्या निदर्शनास आले.
ADVERTISEMENT
बातम्या हायलाइट
जालना : वाळू माफियाकडून महिला मंडळ अधिकाऱ्यावर ट्रॅक्टर घालण्याचा प्रयत्न
घटनेचा व्हिडीओ समोर
Jalna Crime News : जालना जिल्ह्यात अवैध वाळू उपसा आणि वाहतुकीविरोधात कारवाई करणाऱ्या महसूल प्रशासनावर वाळू माफियांची दहशत पुन्हा एकदा समोर आली आहे. अंबड तालुक्यातील सुकना नदी पात्रात सुरू असलेल्या बेकायदेशीर वाळू उपसा आणि वाहतुकीवर कारवाईसाठी गेलेल्या महसूल पथकातील एका महिला मंडळ अधिकाऱ्यावर थेट ट्रॅक्टर घालण्याचा प्रयत्न करण्यात आल्याची धक्कादायक घटना उघडकीस आली आहे. या घटनेचा व्हिडीओ सध्या सोशल मीडियावर मोठ्या प्रमाणात व्हायरल होत असून प्रशासनाच्या सुरक्षेबाबत गंभीर प्रश्न उपस्थित झाले आहेत.
मिळालेल्या माहितीनुसार, अंबड तालुक्यातील सुकना नदी पात्रातून अवैधरित्या वाळू उपसा सुरू असल्याची माहिती महसूल विभागाला मिळाली होती. त्यानुसार महसूल पथकातील मंडळ अधिकारी कडोस यांच्यासह कर्मचाऱ्यांनी घटनास्थळी जाऊन कारवाई सुरू केली. यावेळी एका ट्रॅक्टरमधून बेकायदेशीररीत्या वाळूची वाहतूक होत असल्याचे पथकाच्या निदर्शनास आले.
महसूल अधिकाऱ्यांनी संबंधित ट्रॅक्टर चालकाला वाहन थांबवण्याचा इशारा दिला. मात्र, कारवाईपासून बचाव करण्याच्या उद्देशाने ट्रॅक्टर चालकाने वाहन न थांबवता थेट समोर उभ्या असलेल्या महिला मंडळ अधिकारी कडोस यांच्या अंगावर ट्रॅक्टर घालण्याचा प्रयत्न केला. सुदैवाने प्रसंगावधान राखत अधिकारी बाजूला झाल्याने मोठी दुर्घटना टळली.
हेही वाचा : बीड : 'अरे पळू नको..', नटून-थटून आलेला नवरदेव भर मंडपातून पळून गेला; नेमकं काय घडलं? पाहा VIDEO
हे वाचलं का?
