CBSE 10th Result 2026 Declared: सीबीएसई 10वीचा निकाल जाहीर, पाहा संपूर्ण Result
CBSE Class 10th Result 2026 Out: सीबीएसई 10वीचा निकाल नुकताच जाहीर करण्यात आला आहे. हा निकाल विद्यार्थ्यांना उमंग ॲप आणि अधिकृत वेबसाइटवर पाहता येईल.
ADVERTISEMENT
नवी दिल्ली: केंद्रीय माध्यमिक शिक्षण मंडळाने (CBSE) आज (15 मार्च) इयत्ता 10वी मुख्य परीक्षा 2025-26 चा निकाल जाहीर केला. यावर्षी एकूण उत्तीर्णतेची टक्केवारी 93.70% आहे, जी गेल्या वर्षीच्या (93.66%) तुलनेत 0.04% ने अधिक आहे. मंडळाने विक्रमी वेळेत उत्तरपत्रिकांचे मूल्यांकन पूर्ण केले आणि नेहमीपेक्षा जवळपास एक महिना आधी निकाल जाहीर केला.
मुलींनी पुन्हा एकदा मारली बाजी
नेहमीप्रमाणेच, मुलांपेक्षा अधिक उत्तीर्णतेची टक्केवारी मिळवून मुली अव्वल ठरल्या आहेत. बोर्डाने यावर्षीही अधिकृत टॉपर यादी जाहीर केलेली नाही, परंतु प्रत्येक विषयात सर्वाधिक गुण मिळवणाऱ्या विद्यार्थ्यांना गुणवत्ता प्रमाणपत्रे दिली जातील.
डिजीलॉकर आणि उमंग ॲपवर सर्वात जलद निकाल
वेबसाइटवर जास्त ट्रॅफिक असल्यामुळे, विद्यार्थी डिजीलॉकर (DigiLocker)आणि उमंग (UMANG) ॲपद्वारे त्यांची डिजिटल गुणपत्रिका त्वरित डाउनलोड करू शकतात. उमंग ॲपवरील निकालाची लिंक सर्वात आधी सक्रिय करण्यात आली आहे.
येथे पहा संपूर्ण निकाल
PDF पाहा>> View PDF
असा पाहा तुमचा Result
- सर्वप्रथम, results.cbse.nic.in या अधिकृत वेबसाइटला भेट द्या.
- होमपेजवरील 'माध्यमिक शाळा परीक्षा (इयत्ता 10 वी) 2026' या लिंकवर क्लिक करा.
- तुमचा रोल नंबर, शाळा क्रमांक आणि प्रवेशपत्र आयडी प्रविष्ट करा.
- Submit बटणावर क्लिक केल्यावर तुमचा निकाल स्क्रीनवर दिसेल.
- तो डाउनलोड करा आणि भविष्यातील संदर्भासाठी त्याची प्रिंटआउट घ्या.
दुसऱ्या बोर्ड परीक्षेची संधी
जे विद्यार्थी एक किंवा दोन विषयात अनुत्तीर्ण झाले आहेत किंवा मिळालेल्या गुणांबद्दल असमाधानी आहेत, त्यांनी निराश होण्याची गरज नाही. CBSE 15 मे 2026 पासून 'दुसरी बोर्ड परीक्षा' (टप्पा 2) घेणार आहे. यासाठी अर्ज प्रक्रिया लवकरच सुरू होईल.
