पुण्याला मुसळधार पावसानं झोडपलं! पाण्यात अडकलेल्या 12 जणांची सुखरुप सुटका
पुणे शहराला पुन्हा एकदा मुसळधार पावसानं झोडपून काढलं. पुणे शहर आणि परिसरात सोमवारी रात्री नऊ वाजण्याच्या सुमारास पावसाला सुरूवात झाली. त्यानंतर मध्यरात्रीपर्यंत मुसळधार पाऊस सुरूच होता. पुण्यात झालेल्या मुसळधार पावसामुळे पर्वती येथील रमणा गणपतीजवळ भिंतीचा काही भाग कोसळला. शहरातील अनेक ठिकाणी झाडपडीच्या घटनांमुळे वाहनांचं मोठ्या प्रमाणावर नुकसान झालं आहे. दुचाकीवर झाड पडल्यानं एक जण जखमी […]
ADVERTISEMENT
पुणे शहराला पुन्हा एकदा मुसळधार पावसानं झोडपून काढलं. पुणे शहर आणि परिसरात सोमवारी रात्री नऊ वाजण्याच्या सुमारास पावसाला सुरूवात झाली. त्यानंतर मध्यरात्रीपर्यंत मुसळधार पाऊस सुरूच होता.
पुण्यात झालेल्या मुसळधार पावसामुळे पर्वती येथील रमणा गणपतीजवळ भिंतीचा काही भाग कोसळला. शहरातील अनेक ठिकाणी झाडपडीच्या घटनांमुळे वाहनांचं मोठ्या प्रमाणावर नुकसान झालं आहे.
दुचाकीवर झाड पडल्यानं एक जण जखमी झाल्याची घटनाही घडलीये. त्याच दरम्यान तब्बल 12 नागरिक पावसात अडकून पडले होते. त्या सर्वांची सुटका अग्निशामक विभागाच्या अधिकारी, कर्मचार्‍यांनी केली.
पुण्यात अतिवृष्टीमुळे अनेक भागात साचलं पाणी …#punerains #PuneRain #पुणेपाऊस pic.twitter.com/Xgif093vLV
— Mumbai Tak (@mumbaitak) October 18, 2022
पर्वती रमणा गणपती जवळील संरक्षक भिंतीचा भाग कोसळल्याची घटना घडली. तसेच हडपसर, आकाशवाणी, चंदननगर, बिडी कामगार वसाहत येथे रिक्षावर झाड पडले आणि पाषाण, लोयला स्कुल येथे दुचाकीवर झाड पडले होते. या घटनेतील जखमी दुचाकी चालकास तात्काळ जवळील रूग्णालयात दाखल करण्यात आले असून त्याच्यावर उपचार सुरू आहेत.
हे वाचलं का?
