ST Bus Strike: गुणरत्न सदावर्तेंमुळे CM शिंदेंचं ऐन दिवाळीत वाढणार टेन्शन?
ST Bus Strike by Gunaratna Sadavarte : गुणरत्न सदावर्ते यांच्या एसटी कष्टकरी जनसंघाने चक्का जाम आंदोलनाची हाक दिली आहे. त्यामुळे ऐन दिवाळीत बस वाहतुकीवर परिणाम होण्याची शक्यता आहे.
ADVERTISEMENT
ST Bus Strike Latest News : मराठा आरक्षण आंदोलनातून सुटकेचा निश्वास टाकत नाही, तोच मुख्यमंत्री एकनाथ शिंदेंचं टेन्शन वाढलं आहे. ऐन दिवाळीतच राज्यात लालपरी ठप्प होण्याची भीती आहे. कारण गुणरत्न सदावर्ते यांच्या एसटी कष्टकरी जनसंघाने सोमवारपासून (6 नोव्हेंबर) राज्यात चक्का जाम आंदोलनाची हाक दिली आहे.
उद्धव ठाकरे मुख्यमंत्री असतानाच्या काळात एसटी कामगार दीर्घकाळ संपावर गेले होते. त्यामुळे एसटी महामंडळाला प्रचंड मोठा तोटा सहन करावा लागला. तर राज्यातील जनतेचे प्रचंड हाल झाले. दरम्यान, आता गुणरत्न सदावर्ते यांच्या नेतृत्वाखाली एसटी संघटनेने पुन्हा एकदा जुन्या मागणीवरून चक्का जाम आंदोलनाची हाक दिली आहे.
एसटी चक्का जाम आंदोलनाची हाक का?
एसटी अधिकारी-कर्मचाऱ्यांना सातवा वेतन आयोग लागू करावा, महामंडळाचे सरकारमध्ये विलिनीकरण करण्यासाठी सर्वसमावेश समिती स्थापन करावी, महागाई भत्त्याची थकबाकी द्यावी आणि राज्यातील 85 टक्के एसटी वाहनांचा विमा काढलेला नाही, त्यांचा विमा काढण्यात यावा, अशा मागण्या एसटी कष्टकरी जनसंघ या संघटनेने केल्या आहेत.
हेही वाचा >> Virat Kohli Sachin Tendulkar : कोहलीला सचिन म्हणाला, “मला 365 दिवस लागले, पण तू…”
एसटी कर्मचाऱ्यांच्या मागण्यासाठी चक्का जाम आंदोलन करण्यात येणार असल्याचे एसटी कामगार संघटनेच्या वतीने गुणरत्न सदावर्ते यांनी सांगितले. संघटनेच्या अध्यक्षा जयश्री पाटील यांनी यासंदर्भात महामंडळाला तशी नोटीस दिली आहे. हा संप लांबला तर ऐन दिवाळीत प्रवाशांचे प्रचंड हाल होणार आहेत.
हे वाचलं का?
